127 : Nostalgic

من جم يوم حطت لي امي صندوق قديم و قالت لي جيكي الاشياء اللي فيه شنو تبين و شنو ماتبين، و انا اجيك لقيت هالشهادة! شهادة تقدير للتفوق في نشاط الموسيقى

حيل استانست لما شفتها و حاولت اتذكر اي آله موسيقية كنت اعزف، ما قدرت اذكر بالظبط. ما اعتقد في اليوم اللي خذيتها تخيلت اني بعد ٢٦ سنة بشوف هالشهادة مره ثانية و ارد استانس فيها

شهادات التقدير تحمل مفعول لا وقتي علي الانسان، سعادتي فيها اليوم ما اقدر اوصفها، من صجي استانست، لما ارجع و استذكر المكافئات اللي حصلت عليها بحياتي لقيت ان الاجمل و الابقى بينها اهي الشهادات / الدروع / الميداليات اللي تحوي كلام

التقدير ما يقدر بثمن