(1)
وفاة الفنان خالد النفيسي أثرتبكل بعض ** الكويتيين ،، عندي كلام واجد ودي أقوله بس اليوم ضاق خلقي للخبر اللي بتكلم عنه بعد هالفقره بس ماني قادرة اكتب!! خالد النفيسي ضحكنا، بكانا، والاهم وعّانا!! فنه بيعيش بالأذهان ما اعتقد عمري راح أنسى " ايتهانانانا النسوه" ولا " شي له عصعص و يمشي على أربع و يقول ناو ناو ناو" ولا حتى إبداعاته الكثيرة اللي قاعدة اتمر ببالي مثل فلم طويل و حلو،، الوفاة و اللي يصير بعدها اهو مقياس حبنا! أشكثر نذكر الشخص و أشكثر نبره بالدعاء ،، الحين وقت الحب
ونّسوني تلفزيون الكويت و الإذاعة على إنهم قدروا هذا الفنان و ذكروه،، مشكورين
:)
(2)
صبّحت اليوم بخبر زعلني،، الدكتور أحمد الربعي تعبان *تحديث* تفاصيل جديدة شوي خلتني اتنفس الصعداء عند شباب ساحة الصفاة! "جيكوا على موضوع ساحة الصفاة و بتفهمون قصدي، لكن الموضوع لم يقل جديه"
عسى الله يشفيه و يرد له عافيته يا رب ،، هالشخص من اكثر الرجال الكويتيين تأثيرا فيني فهو مفكر، قارئ، متحدث، شعلة تفاؤل، قلب كبير يحب الكويت و يشوف فيها الزين دائماً و اهو اللي كان شعاره الانتخابي (على ما اذكر،، و لكن متأكدة من المعنى أكثر من الكلمات) "تفاءلوا*،،الكويت لا تزال جميلة" عمري ما شفت شخصيه عامه كويتيه تبعث بنفسي التفاؤل كثره. بأيام التوتر الكويتي العراقي و محاورات الجزيرة الملغومة ما يبرّد جبدي إلا أهو! محد يعرف ايجعم المشوهين للواقع و التاريخ كثره و محد جعم عبد الباري دولار "عفواً عطوان؟!" مثل الدكتور أحمد الربعي
طريقة حواره فعلا تشد الانتباه، أسلوبه بالمحاجة و النقاش راقي لأبعد الحدود، معلوماته الرائعة تساند فصاحته و يكفي سماحته مع الرأي و الرأي الاخر و تقبله للكل على اختلافهم
بالجامعة تمنيت إني اخذ لو ربع محاضره عنده ،، بس للأسف خذاه المجلس بس ما زعلت بالعكس استانست واجد لأنه بيكون إنسان فعلا أتمنى انه يمثلني و يتكلم بلسان عقلي بالمجلس! على الرغم من كل الصعوبات و قلة حجم المكتسبات إلا إن وجوده كافي عندي. و فعلا انوي إن الله أحيانا و خذينا حقوقنا السياسية فعلياً و صار فرصه ان الدكتور الربعي يستصح و ينزل الانتخابات بكون من اول الملاحقين له وين ماكان بأي دائرة بس علشان أعطيه صوتي! مع إني ما أحب هالفكره "إني اغير الدائرة" لأني احس إنه نوع من الغش بس علشان يطلع رجل شريف و يمثل الشعب الكويتي أعتقد إنه عندي مبرر كبير علشان اسمح لنفسي بهالحركه
ارد و اقول عسى الله يقوم الدكتور الربعي بالسلامة و يرد لأهله بكامل عافيته يا رب آمين ،، و على تفاؤلك يا الربعي بمشي و ببتسم و أقول ان شاء الله اترد صحتك
:}
شكراً شروق*
**
نظرا للاعتراضات على ان هذه ليست حقيقه مطلقه "مع العلم انها "المشطوبه" كانت كلمه عفويه و غير مبنيه على احصائيه موثقه :) و لذا تم تغييرها بناء على نفي البعض عن كليتها
وفاة الفنان خالد النفيسي أثرت
ونّسوني تلفزيون الكويت و الإذاعة على إنهم قدروا هذا الفنان و ذكروه،، مشكورين
:)
(2)
صبّحت اليوم بخبر زعلني،، الدكتور أحمد الربعي تعبان *تحديث* تفاصيل جديدة شوي خلتني اتنفس الصعداء عند شباب ساحة الصفاة! "جيكوا على موضوع ساحة الصفاة و بتفهمون قصدي، لكن الموضوع لم يقل جديه"
عسى الله يشفيه و يرد له عافيته يا رب ،، هالشخص من اكثر الرجال الكويتيين تأثيرا فيني فهو مفكر، قارئ، متحدث، شعلة تفاؤل، قلب كبير يحب الكويت و يشوف فيها الزين دائماً و اهو اللي كان شعاره الانتخابي (على ما اذكر،، و لكن متأكدة من المعنى أكثر من الكلمات) "تفاءلوا*،،الكويت لا تزال جميلة" عمري ما شفت شخصيه عامه كويتيه تبعث بنفسي التفاؤل كثره. بأيام التوتر الكويتي العراقي و محاورات الجزيرة الملغومة ما يبرّد جبدي إلا أهو! محد يعرف ايجعم المشوهين للواقع و التاريخ كثره و محد جعم عبد الباري دولار "عفواً عطوان؟!" مثل الدكتور أحمد الربعي
طريقة حواره فعلا تشد الانتباه، أسلوبه بالمحاجة و النقاش راقي لأبعد الحدود، معلوماته الرائعة تساند فصاحته و يكفي سماحته مع الرأي و الرأي الاخر و تقبله للكل على اختلافهم
بالجامعة تمنيت إني اخذ لو ربع محاضره عنده ،، بس للأسف خذاه المجلس بس ما زعلت بالعكس استانست واجد لأنه بيكون إنسان فعلا أتمنى انه يمثلني و يتكلم بلسان عقلي بالمجلس! على الرغم من كل الصعوبات و قلة حجم المكتسبات إلا إن وجوده كافي عندي. و فعلا انوي إن الله أحيانا و خذينا حقوقنا السياسية فعلياً و صار فرصه ان الدكتور الربعي يستصح و ينزل الانتخابات بكون من اول الملاحقين له وين ماكان بأي دائرة بس علشان أعطيه صوتي! مع إني ما أحب هالفكره "إني اغير الدائرة" لأني احس إنه نوع من الغش بس علشان يطلع رجل شريف و يمثل الشعب الكويتي أعتقد إنه عندي مبرر كبير علشان اسمح لنفسي بهالحركه
ارد و اقول عسى الله يقوم الدكتور الربعي بالسلامة و يرد لأهله بكامل عافيته يا رب آمين ،، و على تفاؤلك يا الربعي بمشي و ببتسم و أقول ان شاء الله اترد صحتك
:}
شكراً شروق*
**
نظرا للاعتراضات على ان هذه ليست حقيقه مطلقه "مع العلم انها "المشطوبه" كانت كلمه عفويه و غير مبنيه على احصائيه موثقه :) و لذا تم تغييرها بناء على نفي البعض عن كليتها
.jpg)
