بابا جابر

في تاريخ اليوم في سنة ٢٠٠٦ توفى الشيخ جابر الاحمد الجابر الصباح، امير دولة الكويت. لي اليوم افتقده، عسى الله يرحمه و يغمد روحه الجنة. يمكن لاني من جيل ال٨٠ ما اقدر الا اقول له بابا جابر، تعودت على هاللقب، و للحين اذكر دموعة في الأمم المتحدة و اذكر سجدته في مطار الكويت على ارض الكويت بعد التحرير. و الاهم اذكر محاولات اغتياله، مرينا بواجد في فترة حكمه و الابرز كان الغزو العراقي الغاشم، و لي وقفة مع اسرار القبندي اللي وصلني عنها تذكير مؤثر في البلاك بيري "يطلع منه!"، هي و غيرها من شهيدات الكويت. الله يرحمهم جميع و اميرنا الراحل

بابا جابر

صار لنا سنه عن أبونا جابر

الله يرحمك و يا حلوك

مو إعادة للحزن بس ذكرى عزيز على قلوبنا :) و فرصه نلقى البسمه بذكراه و نتمنى الناس يذكرونه بالخير، ولو انه لو تبون الصج مافارقني

سبقوني بمدونة بوصالح و مشكورين بعثوا لي ايميل بهالمقاله اللي فيها ذكرى بسيطة لرجل عظيم، و للاسف ودي اعلق بس مادري شنو مشكله فاست تلكو مع بلوجر؟ ماني قادره اعلق على ولا بلوق كله بلوك! اشتكيت و نشوف اشبيصير منيه لي باجر