Friday, 29 April 2011

تيس

في احد الايام لا لي ولا عليّ قاعده بسيارتي و مطولة بالي على الزحمة اللي اخرتها طلعت بسبب الطماشة على حادث!!! ... التفت و لمحت جيب نيسان الوضع عادي سيارة حالها حال كل السيارات ..  


بعدين رديت مره ثانية لاني حسيت اني شفت شي بطرف عيني

طليت ولا شي يتحرك! عبالي اللي يتعلقون على السيارات مثل ملوت "بيبي اون بورد و هالسوالف" و متاكده انه شي مو ثابت ، و سواقة صاحب الجيب كانت غريبة! يسرع و بعدين يكع بريك قوي! و اهو يدري ان جدامه زحمه؟! ولّا لحظة ،، كان هذا اهو الغالب بين اللي يسوقون حولي يومها ،، يمكن انا لاني مخففه و ما دست لي صار بيني و بين اللي جدامي سم، اكون انا الغلطانه؟

عمووووووووما 

طليت و حاولت ادقق



ولا اشوف شعر ناعم
اذووووون طوال

و شوي مع كعة بريك قوي ولا شي ايتخطرف! يمين و يساااار

و لا اشوف قرووووون ،، صجية


و طلع اللي بدبة الجيب تيس! كسر خاطري

يعني شفت"تيوس - بعارين - خرفان" بشاحنات او وانيتات او شي من هالطقة، بس بجيب و بالدبة! و صاحب الجيب صاك الدرايش ،، و البريكات اللي قاعد يكعها مووووو هينة مسكين هالتيس مو قادر يثبت روحه و يوقف

بعد ما فصلت من الظحك و كل خلق الله اللي يمي مستغربين و عاشوا معاي بسيارتي بس علشان يعرفون انا ليش قاعده اضحك! و صورته و حطيته بتويتر ،، جان يكسر خاطري التيس

انا ما ادري عن ظروف صاحب الجيب و يمكن كان ماعده خيار ثاني ،، بس متأكده انه عنده الخيار انه يسوق عدل على الاقل ولا يخلي هالكائن المسكين يتخضخض جذيه، مو المفروض نرفق بالحيوان؟ ولا هالشي منسي؟

3 comments:

Ra-1 said...

lool :)

Q80-ChillGirl said...

:p
قزر يومي عليه لوول و كل ما بطلت فولدر الكاميرا لازم امر على صورته

fR00s said...

هههههههههه