From here and there

صار جدامي

ابو يراجع بالنيابة عن ابنه ،، يتصل بولده علشان ياخذ منه معلومات وواضح انه نايم من ردة فعل الأبو .. يكلم ولده بنبرة حادة "اي خلني اراكض مكانك خلك نايم" و كمل الإجراءات بالنيابة عن ولده .. استوقفني هذا الأبو و فكرت شنو فايدة اللي قاله لولده؟ يعني هالكلام بيخليه ايتحرك ولا يعتمد على نفسه؟ الاجدر انه رباه على انه يعتمد على نفسه و اضعف الإيمان انه يحثة و يضغط عليه بقوه علشان يخلص اشغاله، مو يروح بداله و يعصب عليه ،، الدرس الي يستفيده الولد من من هالابو : اخمر و نام و ابوك بيسوي كل شي ،، الثمن "زفة" عابرة وبالك مرتاح

And so with all the messy busy days I live along, today was exceptional, I overdosed on coffee, I found a charming smile and I tried something new and a bit crazy but was ok! :D

صار جدامي 2

واقفة بدور عند موظف المواعيد ابي اسأله سؤال و لاني شفت الدور وقفت مع الناس فحتى لو شغلتي بسيطه هم احترام الدور شي حلو ،، شفت يمي شايب و ابتسمت له بكل صفاء نية و اشراق للحياة ، و شوي ولا يقرب يمه هندي "طلع الصِبي اللي معاه" و لا الشايب يصرخ من قمة راسه " تعال اوقف هنيه جدامها هذا دوري" استغربت و طقتني البوهة و التفت على الشايب و قلت له : تفضل :) الدور ماهو ضايع ان شاء الله و لكنا بندخل ،، سوى روحه ما سمعني و قام ايتصدد و انا غامته الضحكة، و بعدين تحسفت على عمره و انه لي هالسن مو عارف يتعامل مع الناس بهدوء جنه الصيحة بتسوي شي؟ المهم خذا ورقة الموعد و انا خذيت الاجابة على سؤالي، قعدت انطر مع امي ، ولا هالشايب يزف و يصارخ على هالفقير الصِبي اللي معاه،، تعال اهنيييييييييه وليييين يلا ،، اهنيه كسر خاطري هالصِبي مسكين مبين انه مال من معاملة الشايب له و الحق ينقال اهو ما يستاهل، بس هالشايب المشلوط ما يمهلة .. سرحت و دعيت الله ان عطاني عمر انه لا يخليني عجوز عسره لوول
 

posts that I miss the most, from here and there - blog of the week. The 365 project is connecting me with my blog but not with writing, I need to write, I think today is the start to me going back to writing. Yesterday of all days I felt very rusty in writing, due to a vocabulary HUGE mistake I knew I need to write more and for a change finish up the pending books

خلاصة اللوية اللي انا فيها ،، احتاج سفره، بشرط فيها وقت لي انا بروحي مع نفسي