Tuesday 2 May 2006

ورد



من زمان ماحطيت صور ورد ،، و لا بالواقع شريت ورد @@ طحت لي على محل كله توليب و هم اوركيد @!@ احلى وردتين عندي و فعلا هالمحل كنز،، عموما صباح أو مساء الخير ،، الورد حلو ،، و عسى الله يتمم على الكل نعمة الابتسامه من اشياء بسيطه تبعدنا عن تعقديات الحياة
على صعيد آخر ما ادري ليش ساكنه ب
لدرجة اني اعرف اذا غيروا مكان مخده او حتى شمعه؟
أحلى شي بالاجانب انهم ياخذون الابتسامه على انها ابتسامه، ما يحاولون بطرق ملتويه انهم يحولون المعنى لألف معنى! الابتسامه العابره مالها اهداف خفيه يا فطاحل الكويت "اللي اقصدهم بكلامي" و بس

12 comments:

DiiGMaa said...

Woooow Orchids and Tulips !! a few of my favorite too :)

لمياء الحالمة said...

Q80-Chill Girl

يمكن يكون كلامي غريب شوي, لكني أحب اشوف الورود وهي مزروعة بالحديقة, ألمسها أو أشم ريحتها, لكن إني أقطفها واحطها بمزهرية او بوكيه كنوع من الزينة, فهذا الشيئ صعب عليّ

نفس الشعور بالنسبة للعصافير بالقفص, أو حتى السمك بالأكواريوم

بومريوم said...

لمياء كله معترضه و بس:)

chatterbox said...

اايدج بسالفة الابتسامة تحسين ان الاجانب ناس من كوكب ثاني. او احنا اللي من كوكب ثاني؟؟مادري

kazmawy said...

وايد حلو
صورة تفتح النفس بكل وقت
:)

Q80-ChillGirl said...

دقمه

:>

Orchids & Tulips are amazing! but when it comes to the mysterious elegence look, its for the Orchids :D

Q80-ChillGirl said...

لمياء الحالمة

أكيد لما تكون الورود بالحديقه مزروعه و ببيئتها الطبيعيه احلى،، و عدم قطفها حماية لها من الموت الصناعي على يد البشر اللي يتمتعون بجمالها و اهم يدرون انها بتموت و غير الورده ورده جديده اكيد بيكون احسن

اتفهم حساسيتج للموضوع :) بس وجودها بمحلات الزهور يغري لكن مو رقيق كثر وجودها بالطبيعيه و تأمل جمالها بدون الاستعجال بموتها

عورني قلبي لما فكرت بالموضوع عدل

Q80-ChillGirl said...

بو مريوم

انت مجيك الاعتراض على شنو؟ يا ريت كل اعتراضاتنا بهالحياة بهالرقه ،، حلالها دام هذا اعتراضها و بهالشكل الراقي

:)

Q80-ChillGirl said...

chatterbox

اهم من كوكب البساطه سلمج الله و احنا من كوكب التعقيد

Q80-ChillGirl said...

kazmawy

عسى دوم و بكل وقت

Shurouq said...

والله انتي اللي وردة
:*

Q80-ChillGirl said...

شروق

ساعات كلمات بسيطة تغني عن الف ورده،، شنو ترفع معنوياتي كلماتج :) و تخليني احس ان الدنيا بألف و ست امية خير

:*