تسأل عنك العافيه

بعد انقطاع فتره طويله، اسأل و اسولف وترد

"تسأل عنج العافيه"

سرحت و فكّرت بهالجمله اللي تتردد بين الناس و المقصود ان؟؟؟ ما تشتهي العافيه عندي فا تبيها تسأل عني؟ او اني فاقده العافيه علشان الناس تطلبها تسأل عني؟ "ما اقصد ظن السوء بس الجمله عبيطه" ادري ان معناها مدحه اوكلمه مهذبه علشان تمدح السؤال عن الاخر و تبريره بمجرد الوصل لا اكثر

لان بهالوقت تبي تتصل باحد معناته تبي شي،، بس لو نفكر فيها لغوياً فيها شي غلط! او مخي انا غلط؟ مادري

ليش ما نقول، عساك دوم بخير و عافيه، او!! اذا لازم فيها كلمة تسأل نقول عسى ما تسأل عنك العافيه، من باب ان العافيه ملازمه للشخص على طووول فا شنو حاجتها انها تسأل عنّه ؟؟ :> اعتقد ان لها منطق بهالحالة