Tuesday 5 June 2007

Ravi-Saba7 o Masa-Mobtadi2

مو سهل اني افقد اعصابي، جدا صعب ان احد ينفرزني بس مفتاح التنرفز عندي الحنّه ما اتقبلها ابداااا ولا احبها ولا اتحملها ولا اتعامل فيها كلللللللللللللللش


الموقف انساني و تعجيل باجراءات إدارية، لكن و الله الكتاب ماوصلني شلون اطلع الرد عليه؟؟ احاول اشرح له و فاهمني و يرد ايحن، خلص من التلفون جاني لي المكتب، خلص من اول مره رد مره ثانيه، رد مره ثالثه اقوله و الله ماوصلني الكتاب خل ايتحول عندي و انا مجهزه كل شي و راح اطرش الرد بالفاكس للسرعه و ماعندي مانع اساعدك و الموضوع سهل لا تحاتي بس بط مرارتي بحنته


و المشكله هندي، فوق ان الحجي الانجليزي يطلع من حلجه لازق اببعضه ايتكلم بسرعه، و كل شوي يقولي بليز اقوله يا ابن الحلاااال لا تبلنزنييييييي عادي و الله شغله عاديه و مافيها منّه! اسويها لاي احد بس انا مو سوبرماانه لازم انطر ورقه و ارد عليها ما اقدر االف سالفه من راسي و ارد عليها (للحين ما اقدر اقول سوبرومان بالعربي، تعودت من اخواني "سوبرمانه") فااااااااا كنت على طريف اني اقوله بس ببجي من حنتك او اني انفجر بوجهه و اشرشح الدنيا، بس و الله يكسر الخاطر و انا ماراح اقصر معاه بس لا يححححححححححننننننننننننننننننن


ما اقدر ادش النت ما اجيك الصفاة، رحت افتريت مالقيت عنوان يشدني و عاقده النونه و مالي خلق، لقيت هالمقالة! عنوانها بس طخخني و خلاني اركد و تذكرت شكثر هالاغنيه تهديني، على الرغم من بساطتها و اللي اهي محببتني فيها و صوت فيروز يهدي بالي


و في ذكرى رافي و رفعة الضغط، و مبتدئ و اختياره اللي ريحني كتبت هالمقالة مع اني ما احب اكتب و انا بالدوام
:)

7 comments:

EXzombie said...

دوسي ببطنه، او دبسي اصابيعه

Q80-ChillGirl said...

Dear EXzombie

انا صج كنت معصبه بس مو لهالدرجة

لوول

دبسي اصابيعه!! عورتني اصابيعي من مجرد الفكره

ترى اهو و الله يكسر الخاطر بس حناااااااااااااااان

توني خلصت موضوعه من طرفي
:>

Antisocial said...

bayin ildawam ib wizara. allah yi9li7 7all il ballad. ya3deech il 3afya 3alla il 9abir.

Shaima'a Alkandari said...

الله يكون بالعون


تصير فيني وايد


صح موشي احد يحن ويزن طول الوقت على راسك


وكل شوي يسأل وااااي بنخلص الشغل بس صبر


ان الله مع الصابرين


والله يعطيج العافيه وصبري هذا حال كل موظف

Q80-ChillGirl said...

Antisocial

wallah its not a wzara, but after two years over there its not so far from it ;p

but don't worry am a tough gal :D i just need to vent every once & a while


Shaima'a Alkandari

الله يعافيج
و يخليج
و بيت مكه يوديج

:] مشكوره على كلامج الطيب

غريب said...

الله أعينك ملك ألي الصبر

Q80-ChillGirl said...

حي الله غريب :>

و الله الصبر حلو بس لكل انسان طاقه

بس تدري شنو اللي خلاني ابي اذبحه،، اني اكتشفت ان زميلتي مسويه الكتاب و مطلعته من قبل بيوم "من يوم الحنّه" ولكن الاخ ما كلف خاطره ايجيك مع سكرتيرتهم اللي كانت متصله الصبح على سكرتيرتنا تسألها عن نفس الكتاب

اعترف هم انا غلطانه ما جيكت مع كل السكرتاريه كلهم اللي عندنا لاني سالت خلق الله كلهم الا هذي اللي عندها الخبر !! و لما رديت دقيت له قلت على الاقل بقوله ان اللي سويته كله ماله داعي المفروض اتجيك من طرفك قبل لا اتكلم الاقسام الثانيه،، ما رد علي! مع العلم بان تلفوناتنا فيها كاشف يعني يدري من دق له!!

بصراحه، قهرني، لما كانت له حاجه ايحن و لما خلاص خذا الكتاب ما كلف عمره حتى يرد على المكالمات

اتم اشتغل باللي يمليله علي ضميري، بس يا انا متحلفه فيييييييييه اهو راد قسمي راااد