Home Sweet Home

Walking on Kuwait’s shore, tide coming gradually, the cold waves cuddle my feet and the weather is amazing,,, with that I end my short time off work & almost every thing in my life.

رحلة العودة على كثر ما انها متعبه بس امتعتني! لاني برد للكويت،، فقدت الكويت بشكل ما توقعت اني ممكن احس فيه نظرا لقصر فترة رحلتي، بس من بعد الغزو صرت افتقد الكويت اكثر! هم زاد الطين بله اني بسنة الغزو كنت مسافره و خارج الكويت و قظيت فترة الغزو خارج الكويت اللي بوقتها كانت تحتاجنا، قمت افقدها بزود، ما اقدر اتم برا الكويت لاكثر من اسبوعين. لما قربنا للهبوط الكابتن يعلن درجة الحرارة بالكويت 38 سيليزية و الساعه المرتقبه للوصول 10:30 ليلا، ابتسامتي من الاذن لي الاذن محد قدي حزتها حسيت الله الكويت و بصيفها الحار، احبها. الغالبية مذهولين و بما انهم من غير سكان الكويت كان الوضع غريب بالنسبه لهم بس جدا اسعدني هالاعلان و حسيت ابي حر و صيف الكويت

يمتعني صيف الكويت على كثر ارتفاع درجة الحراره و موجات الرطوبة اللي انا فعلا بعض الاحيان ما اتحملها، الحر و الغبار يطلعون نعمه عند الرطوبه! بس اشوفه حلو، بالذات شكل البحر بعز الظهر و فترة القايله. و غير هذا الفضاوة بالصيف لان غالبية الناس بينحاشون من الحر فا الشوارع تصير اقل ازدحام، الطريج للدوام سهاله، و يا زين الكويت

Tomorrow…

Dr. Saleh Al-Ojiri