تذكرون هالمقالة اللي كتبتها من فتره؟
عن اللي باق مني مقالة قديمة عن كتاب الابعاد المجهولة،، الحين تحديث للي سويته بهذا الصدد
أولا: غيرت الصورة المرفوعة و اللي اهو ارفقها بالموضوع و اللي نسخها من مدونتي، الى هالصورة الجديدة، ادري الكلام صغيرونو بس العبرة انهم يدرون ان الموضوع فيه إن!! و يدشون المدونة
ثانيا: سجلت بالمنتدى من فتره، و اليوم كتبت اول تعليق لي بالمنتدى [ تم حذف تعليقي من قبل مشرفي المنتدى + تغيير رابط الموضوع ، مع ان كاتب الموضوع اعتذر لي و ذكر اني كاتبه هالموضوع؟ يعني تعدل الخطاء بس ما يبون يظهرون "اقول يظهرون بصيغة الجمع لاني ما اريد بالتاكيد منو اللي حذفه ولو اني اشك باحدهم لانه كان متحامل علي على غير سنع!" انه تم تعديله بعد التنبيه و اللوية اللي انا سويتها؟ شي يظحك] بنفس الموضوع و ارتفع و صار مع اول المواضيع و ان شاء الله يهتمون و يقرونه
ثالثا: كتبت موضوع منفصل [تم حذف الموضوع من قبل مشرفي المنتدى] بنفس القسم من منتدى مفاتيح إماراتية و اشرح فيه القصة للي بالمنتدى
رابعا: هالموضوع عندي بمدونتي
خامسا: كل خطوة قاعده احفظ الصفحات، يعني لو بيغير شي عندي نسخ اضافية :)
[و اشوه اني محتفظه بكل شي عندي للذكرى]
و ان شاء الله خير
:>
تحديث : 10:30 مساءً
1- تم اضافة ان الموضوع كتب من قبلي بالموضوع الاساسي المنشور بالمنتدى من قبل الاخ/ المستشار
2- تم حذف الموضوع اللي كتبته اشرح فيه قصتي
3- تم حذف تعليقاتي على موضوع المستشار و اثنائي على انه اعتذر و صلح الغلط، و ان استمر الحذف ماراح انشر صورة سنعة للكتاب بنفس الرابط بتم مخليه هالصورة ام شخابيط واجد
تحديث : 1:07 صباحاً
1- تم إلغاء عضويتي بالمنتدى على اثر نقاش حاد مع واحد سفيه ميزته انه مراقب
2- تم اخذ الصورة اللي انا صورتها للكتاب ورفعها برابط جديد، بس على ماقالوا غلطة الشاطر بألف المفروض احتاط و اكتب عنوان المدونه على الصورة من بديت اناجرهم و هالموضوع صارعليه جدل! بس لحسن نيتي ما توقعت بيبوقونها ، المهم ان الشخص كاتب الموضوع ذكر اني كاتبه الموضوع هذا اللي كنت ابيه، و صورة ولا نص!!
3- كانت تجربة ذكرتني بايام ما كنت باحد المنتديات الكويتية بسالف العصر والزمان و النجره اللي تصير هناك اللي لما تخلص اللويه تكتشف انها شي تافهه و نقطه ببحر، بس على الاقل تم الإشارة لي بالمقالة
.jpg)
5 comments:
اعتراف الاخ كان شئ جيد
ولكن اسلوب بعض الاعضاء والمشرف العام فيه نوع من العنصريه
الموضوع منتهى وواضح سواء بأعترافه او لا
بس تتوقعين ان هذي الطريقة المناسبة لمنع السرقات ؟؟
ماتحسين انها متعبه وممكن تعرض صاحب الموضوع لمواقف ويمكن تنقلب الآيه عليه
ويصبح اهو السارق او مثل حالتج حاقد ألخ
مشكلة الانترنت انه ملك للجميع وأي حرف ينكتب يصبح للجميع
صحيح ان هناك شخص تعبو كتب هذا الحرف ولكن وجوده بالانترنت جعله يفقده
ببساطة
المسئلة مسئلة ضمير
وظاهر هذا اطول تعليق كتبته :)
Kuwaite
شفتهملون هبوا فيني
لوول
نوع من العنصرية؟ الا كل العنصرية ولا لما يقول انه شي عادي عدم نسب الموضوع، يعني اهو يرضاها على نفسه؟ ولا لما قال انه لو كانت خاطره فكان لي الحق اني اتضايق عليها؟ يعني ماكو منطقية بالنهاية الخاطره او غيرها شي انت كتبته و تحب ان يتم نسبه لك
امبيه شقلت مادري؟ كله كوم و اسير النبض كوم، حده مشتط على غير سنع
و مو متعب كثر ما انه حوار "مع هالاسير" مو مثري و ما منه فايده، اهو ماله لا ناقة ولا جمل و حتى نقاشه مو راقي و بدون هدف واضح، و يكتفي بالتجريح و نعتي باشياء غريبه مادري من وين يفكر فيها لوول؟؟
على الاقل الاخ المستشار ايبرد الجبد يعني يحليله تجاوب و تأسف، ماكو شي يغير الماضي بس وعد انه بيغير المقالة
لوول
تم حذف كافة المواضيع، من منتدى مفاتيح إماراتية
و نزعل ليش عندنا حكومات قمعية؟
على الاقل محد خذا شي مني
:]
مبروك
حط المصدر
انتي شمسويه بالصوره لووول
خلك من الصورة الحين هذا اسير النبض حاط دوبه و دوبي
لوول
يحذف تعليقاتي
العقل زينه! تدري كنت بعدل الصورة و اخليها العادية و بس لكن الحين مابي
خل ايسنع اسلوبه هذا اسير النبض و يخلي تعليقي ذيج الساعة اعدل الصورة
ترستها شخابيط لاني ما احب البوق و كل اللي الل يقدرني عليه بسويه علشان لحد يستغلني باي شكل، و انا ادري ولا و انا ما ادري
Post a Comment