Thursday, 14 August 2008

توريد ثقافة القز الخليجية




الزميل المدون أمين ارسل لي القصاصة اعلاه مشكورا و التالي تعليقي

يبدوا ان مقهى هارودز الجديد اثار غضب السكان حوله لدرجة الاحتجاج، و لم يجد الاخ الاردني فريح طباع/طباه؟ "ما اقدر احكم من خلال الترجمه" سوى ان يشبه الازدحام و الازعاج الناجم من رواد هذا المقهى و الذين يمارسون هواية ال"قز" الا ان يقول بان الشارع

"It's worse than Piccadilly Circus, it's more like down town Kuwait"

و على حسب ما وردني ان الكويتيين ليسوا اكثر من الاماراتيين و القطريين، لكن يمكن له وجهة نظر؟ و عيونه شافت غير اللي شافته الجريده لما ذكرت ان السيارات الماره تملك لوحات من الكويت، قطر و الامارات العربية المتحده، و كانت حياديه بنقلها لما يحدث هناك

علشان اقول رأيي ابي اوضح مفهومي عن القز: الفراره بالسياره لمجرد الفراره و التمقل بالناس و يمارس الكويتيين عادة هذه الهواية في شارع الحب "سابقاً الدائري الثاني" و شارع الخليج العربي

القز غير مقبول من وجهة نظري لعدة جوانب

١- زيادة لتلوث البيئه من جراء الغازات المنبعثه من عوادم السيارات
٢- زيادة استهلاك البانزين ومما له من تاثير سلبي على الحالة الاقتصادية للفرد و اسراع بحالة الافلاس فور استلام المعاش "او الفلوس من الوالد" و الامر الذي يحله بنك التسليف الدولي لكل بيت : الام
٣- مضيعة للوقت، حيث انه لم يثبت لي حتى الان وجود منفعة ذهنية/ نفسية/ اجتماعية "سوا معرفة منو اشهر القزيزيين بالكويت" من هذا النشاط
٤- يقتصر النشاط الجسدي على استخدام القدم و مجمل الحركة تكون في الرأس و العينين، لذا فالرباده بتزيد
٥- ممكن ان تسمع لك تعليق او كلمة انت بغنى عن سماعها
٦- بعد فترة من الوقت ستكتشف ان لكل شارع قز مجموعة معينه من المرتادين الاوفياء الذين قد لا يعجبهم تواجدك و كبيوت الشويخ ان لم يرغب بك الجيران مش بوزك اتدش
الخ الخ

تفاهة هذا النشاط لا احتاج لسرد اسبابها، و نقل هذا النشاط هناك طبيعي لان زيد و عبيد اللي هنيه اهم هناك، و لست مع الازدواجيه و ماراح اقول خلونا انتذيرب بالخارج علشان نستر روحنا و يطلع شكلنا راقي، انا مع الاصلاح الجذري اهنيه بديرتنا، لاننا بالنهاية نعكس حضارتنا وواضح اللي قاعد يصير جدام مقهى هارودز الجديد شي ايفشل لانه فيه تعدي على حرية الغير و حقهم بالعيش بهدوء و من حق صاحبنا الاردني الاصل ان يستمتع بحديقته كم لا يحق له توجيه اصابع الاتهام فقط للكويت و تشبيه الشارع بمدينة الكويت اللي ما ادري اهو شافها ولا لاء بس ما اعتقد هالتخصيص له لزوم و يفقده الحياد برأيه و بالتالي المصداقيه و يازين الانجليز و جريدتهم!

لكن له الحق بانه يعكس ما تراه عيناه، و تشبيه الموقف بوسط مدينة الكويت اللي مافيها هالفراره وعليا شارع فهد السالم ابو الزحمه و ماتدري اهي الباصات ولا السيارات ولا المارين بالشارع و كلن لاهي و يبي شغله و الكاشخين يكسرون يمين صوب الصالحيه، و شارع السور وين يقزون فيه؟ و اشبقى الصفاة و المباركيه؟ كل اللي فيهم وراهم اشغال و لويه وينهم ووين القز و التبعطز بسيارات كشخه؟

و هل مدينة الكويت اسوء من سيرك بيكاديلي بالزحمه؟ الاردني اللي عايش ببريطانيا اخبر!!!!!

السكان حول هارودز اللي اشزينهم ايتبوسمون و ذربين حتى باحتجاجهم! و على الاقل هاديين الا الاخ بو اسود شكله زعلان حيل، قالوا انه بالاضافة للازدحام زاد ارتياد المتسولين و فتيات الليل و مروجي المخدرات! و هالشي من حقهم و انا مع احتجاجهم بس مساكين اصحاب هارودز يبون يسترزقون الله و هذيلا الدفيعه!؟ فا الله يعينهم على هاللويه

و رسالة للكويتيين و اخواننا القطريين و الاماراتيين، والله ندري عندكم خير و بسكم شحاطه، انتوا سفراء لدولكم ، لا تفشلونا و تأذون خلق الله، لان حريتك تنتهي عندما تتعدى على حرية الغير

10 comments:

dali said...

i have been there and never saw a single car with Kuwaiti Plates. yes it was crowded due to limited seating and yes there were gazzzz from our brothers in GCC counties but using Kuwait city as an example is not relevant at all

Q80-Chill Girl said...

دالي

مشكور و برررررردت جبدي لانها شهاده واقعيه من شخص كان هناك! و هالشي يدل على ان اخونا الاردني بباله موال مو قصده يعبر عن رايه و اكدت لي تحيزه اللي ماعندي له تفسير؟

Purgatory said...

يلعن يومه ترافولتا مليونير!!!

ما أحتاج أعلق عليه، فيه غيري راح يرد

بس ليش الجريدة مو مقصوصة عدل، لاقينها علي الأرض؟

Q80-Chill Girl said...

Purg

yeah 5m house?!!
the newspaper, you will have to ask Ameen

Enter-Q8 said...

قز عاد
بالذمة منو اللي له خلق يقز بهالازدحام
و التكاسي الجوالة اللي كل اشوي نايم عليك
و الا يوم افتحوا رخص السواقة
تلاقي معاشه سبعين دينار و عنده سيارة فا تخيلوا معاي شنهي السيارة عاد
غير بعض الجنسيات العربية الله يهداهم عباله نظام السواقه نفس ديرتهم
يحشر نفسه بين الحارتين
و يقولك
ما اهو الطريق واسع
و الا اذا واقف و في شارع فرعي طالع منه واحد كل اشوي يجدم ببوز سيارته يعني ترى اذا ما خليتني اطلع سيارتك بتتعور

احلى تمشي
قبل الفجر بساعة
يا سلام
هدوء و الجو حلو
و ماكوا بنات بالشارع من نوعية حجاب بو تفخة
اللي عشره لاحقينها

3baid said...

Maybe he used to live in Hawalli :/

غريب said...

الله يعين لا تعليق

BrandsQ8 said...

والله ناس فاضيه

القطرين والامارتين اكثر بهل سوالف

لكويتي اذا شحن سيارته وداها لبنان :)

ilsul6ana said...

WoooW! But its not fair they only said Kuwait downtown! il thaher kan yeshteqel ehni 9eby oo bag efloosna oo en7ash!

Kuwaitis are the least ppl who take there cars abroad!

Q80-Chill Girl said...

Enter_Q8

مبروك اللافي/لافيه
:>

و على التكاسي حدث ولا حرج! توه بغى واحد يودرني، مادري شلون ماشافني و سيييييييدا دش على حارتي "لانه شارع ابوه" بس الله ستر

و غيييييير

اللي يلزق فيك على الخط السريع و ياخذ يسار شوي، علشان يهددك هااا ان ما وخرت سيدا ادش حارة الامان و المشكله انه يشوف ان مالك مجال تاخذ يمين عنه!؟

بس طلعنا مو هينيين زاحمين حتى لندن

3baaaid

or jleeb el shyoukh?
who knows!
oddly the interview was with a QATARI young man :D

غريب

عش رجبا ترى عجبا

BrandsQ8

و تدري شنو اللي يظحك؟
الجريده كانت منصفه اكثر من الاردني
و الجريده قابلت قطري


ilsul6ana

Exactly! it shows you how unfair they are to us! and we still help them and say our Arab BROTHERS ? its not about a personal opinion rather than it reflects how one of them sees Kuwaitis, given that they are the least with cars abroad!!! and we all know most of them or at least a BIG part of them see us this way, its not only Jordanians there are more out there...

it is not fair at all, and the newspaper just made a propaganda out of a personal opinion "which they are entitled to do after all what they wrote has been said by one of the RICH protestors" and yet they remained honest and reflected what they experienced, unlike our fellow arab...