Tuesday 17 March 2009

كَـمَـا تَـكُـونُـوا يُـولَّـى عَـلَـيْـكُـم

و استقالت الحكومة :)

ما يحصل لم يكن وليد يوم و ليلة التأزيم و التوتر السياسي في الكويت وصل لمرحلة شديدة من السخف، و اقصد بالسخف هنا من باب الاستخفاف بالعقول و غياب المواقف الرزينة من شعب و نواب و حكومة! حالة لا تطاق من عدم الوعي، و الاصوات العاقلة اصبحت اندر من تلك المشغولة باختلاق المشاكل و اكل القطعة الاكبر من الكويت، حالة الملل من التأزيم السياسي مدروسة و ان لم نكن كشعب نعي ما يحصل حولنا و نفهم كل المؤشرات التي نراها حتى اليوم و لم نشعر بوجود خطر يحاصر الكويت فنحن لا نعي ما هي الكويت ولا تعنينا كما ندعي

الصدع كبير، بالوعي نتغلب على التأزيم الغير مبرر، كن كويتي من اجل الكويت و فكر بالكل و ليس نفسك او البعض، لعل تعدي القانون بدرجات بسيطة مثل تجاوز السرعة القانونية بالشارع او تخطي الدور في مكان يسهل على الكثيرين، ولو توقف شخص ليفكر باحترام نفسه و الغير لاتضح له ان حب الكويت لا يمت للتوجهات التي تتلحف بستار الدين او العلمانية او الليبرالية بصلة! كل ما نحتاجه ان نصبح بشر! نحترم الآخرين ولا نقبل عليهم ما لا نقبله لانفسنا، ان تلملك رأيا حر و توجه واضح هو موضوع و آن تحاول تملّك رأي الغير موضوع آخر و خبيث، استغلال كافة الاساليب والمعتقدات الموجوده امر وارد في التكتلات السياسية و منهم من يملك القناعة و الشفافية بهذا الاستغلال و منهم من يخفي وجه قبيح و مقيت، فهل يميز الكويتي بينهم؟ لن نصلح الفساد الذي ينخر بجسد الكويت ان لم نصلح انفسنا

مسلسل التأزيم لن ينتهي و ان جاءت حكومة من المريخ، لان "الخمال منا و فينا"، بالوقت الحالي لا نحتاج تكتلات، لا لحى ولا بدلات، نحتاج مواطنين! كويتيين! ليولوا عليهم مثلما هم

حالة التدهور السياسي الحالية افضل وقت ليقف الكويتي مع نفسه و يفكر بعيدا عن وثيقة الجنسية التي تختم بكل مشاركة لنا في الانتخابات، هل تصنف نفسك ككويتي؟ و هل خفت الله بالكويت قبل لا ترشح؟


10 comments:

mtfa2el said...

الأزمات القادمة اللي راح تورينا ان الله حق تتطلب منا ككويتيين انه نلتف حول بعض و نترك التفاهات اللي نتناقش عليها كل يوم
الأزمات الأقتصادية و السياسة القادمة فعلا نحتاج معاها وقفة صادقة من كل كويتي ..المشكلة لا الحكومة واعية هالشي ولا النواب واعين هالشي ولا يبون يوعون
النفط كل ماله و ينزل سعره و ربعنا لي الحين يتهاوشون على مصروفات الديوان و جينكو انهدم ..اللي ياي وايد أكبر

و سلام الله عليج يا كويت

Q80-ChillGirl said...

mtfa2el

الله يستر على الكويت، الوضع من سيئ لي اسوء و وضع الكويت السياسي مو هين الهدوء بالشرق الاوسط الحين ماراح يدوم نزول سعر النفط و انحسار الطلب عليه لكن بنفس الوقت اهو يتم الطاقة الاسياسية المستخدمه بعصرنا الحالي شي خطير! و الازمات الجاية مثل ما قلت بتكون اجيد و جار الشمال ماراح ينقلب ملاك بين يوم و ليلة! هذا من صوب، و دمار البنية التحتية للدولة من صوب ثاني! الانانية بهالديرة تخنق و احس ماكو وعي للمهم و الاهم بنفس الوقت الكل شايل شعار شمعنى فلان و مو انا و الكل يشوف نفسه احسن من غيره و يبي ياخذ اكثر من غيره، ديره ماشية على بركة الله بس لي متى؟ اكو فرق بين التواكل و التوكل

فيه امل بس لو تلاحقنا عمرنا الحين و صحينا

enter-q8 said...

وضع اللوم على جهة واحده انتقاص واضح للحق اختي شيلي

Unknown said...

و استقالت الحكومة

بالفعل الامه فى حاجه الى شرفاء

Anonymous said...

وبعد حل المجلس هل راح يفكر الناس منو الكفو اللي لازم يختاره علشان يطور مو يأزم؟؟

علشان الكويت said...

عشـان الكويت .. نسعى للأفضل !


http://for-q8.blogspot.com

Q80-ChillGirl said...

Enter_Q8
الحكومة؟ منها افراد من الشعب
المجلس؟ كله من الشعب
اللعب مابين الاثنين؟ من اهم ادواته الشعب
:)
العلة فينا و لو عقب كل هالتخمبق السياسي اللي نمر فيه ما نحس بالخطر اللي حولنا و ان الاحداث موجهة لدمار الديموقراطية بنكون ما انتعلم من اللي يجري لنا و علينا، الوعي الزامي و الحرص على الكويت الزم من هالوعي علشان نجتاز كل هالعراقيل، لا تعتقد اني مو واعية للتخطيطات اللي خلف الكواليس! بس صدقني لو كنا على قلب واحد و نحب الكويت و نبذنا مصالحنا الخاصة علشان خاطر الكويت، بنكون فعلا قوة تكسر :الفساد و حرق الاوراق السياسية لشخصيات ندري انها زينه... اللعب السياسي قاعد ينزل مستواه و الوعي و حب الكويت اهو اللي بيخلينا انتسنع، بدولة ديمواقراطية الشعب له كلمة! فلو لم تصلح البلد فكلمتنا فيها علة، و بهذا ما اقصد انتقاص لتاثير السلطة التنفيذية لكن تاكيد بان لنا الكفة الاثقل فاللوم علينا اكبر، و بالنهاية حتى سلطتك التنفيذية من شعبك

محدش بيموت ناقص حلم
و عسى الله يهدينا لهالشرفاء و نرتاح شوي

Ali
الله اعلم اخوي علي بس هذا اللي اتمناه و افكر اني اساهم فيه ،، على الاقل بالكلمة و اهي اقل مساهمة يمكن اقدمها

عشان الكويت
بتابع حملتكم و اتمنى لكم التوفيق

enter-q8 said...

بفمي ماء
اختي
مجلس بصام باصابع ايده و برجوله و انحل و الخلل من الشعب
مجلس 85 وقوي و ايضا انحل و كذلك الخلل من الشعب
معقوله

Q80-ChillGirl said...

Enter_Q8

منو يمهد للي يبون الحل؟ مو ناس منا و فينا؟ و منو اللي يواجههم "سواء اقوياء ام لا" من اعضاء مو منا و فينا؟ وين حنكتهم السياسية ووين توعيتهم للناس علشان يفهمون شنو اللي قاعد يصير خلف الكواليس؟

ووين توعيتهم للناس عن التحالفات السياسية و اتفاقها مع اعضاء من الحكومة لربح وزارة مقابل مواقف سياسية و مساندات خالية كل الخلو من الحرص على مصلحة الكويت؟

اذا عضائنا ما تكلموا منو بيتكلم؟ و اذا الشعب ما فهم شنو اللعب اللي قاعد يصير منو اللي بيفهم؟

اي العلة بالشعب :) لاننا بدولة ديموقراطية

اقف عند : كما تكونوا يوالى عليكم

لان بالنهاية كلنا من نفس الدم

Anonymous said...

It's hard to tell whether parliamentary democracy is a good thing or bad for a situation such as Kuwait. One thing's for sure the winds of democracy sweeping across Kuwait have set the clock back on progress as we've come to know it in contemporary society by at least half a century.
Now I know why they say one man's "poisson" is another's "poison".