Friday, 9 December 2005

مكتوب

شنو قصة اعلانات مكتوب اللي خاااامه كل ايميلات البلوجرز "مادري شلون" و شاخليننا اعلانات؟
مره عن مدوناتهم و الحين توب تن حق مادري شنو لاني سيدا حذفت الايميل .. ممكن اني اتقبل الدعاية للمدونات بحكم اننا بلوجرز و يبون يسحبوننا من موقع بلوجر اللي لامنا كلنا ببيت واحد،، بس بنفس الوقت احسه انتهاك للخصوصية لاني "عن نفسي" حطيت ايميلي بهدف اذا احد كان يبي يوجه لي شخصيا ايميل لسبب او آخر مو علشان شركة تعلن لي عن منتجاتها، ولو اعلنت مرة وحدة تكفي مو كل يومين ايميل


شروق ردت،،
وناسه :> بصراحة استانست ،، حي الله شرووق


حاشتني موجة احباط
من فتره و زعلت لأن أمور بديهيه و من حقي و ماكانت توصل لي، سكت مثل عادتي بس بعيدن تكلمت و بصراحة النتيجة كانت جيدة جداً، خذيت اللي من حقي و ابيه و زياده و الحين انا بموقع جيد و لازم استخدمه افضل استخدام :> و هم تعلمت اني اتحجى و ابطل "الخجل"! اللي بداعي و بدون داعي

6 comments:

LiL Alien said...

وصلني نفس الايميل من مكتوب وهم سويتله دلييت .. بس المشكله ان الايميلات منقينهم تنقهيه .. يعني معقوله داشين بلوق بلوق .. وماخذين ايميل كل واحد؟

او انهم ماخذينها من جوجل دايركت؟ مو المفروض ان الايميلات تكون سريه عندهم؟

همممممممم

بومريوم said...

فى شركات متخصصه لبيع قواعد البيانات
و الايميلات لها سعر
فأكيد شركه مسويه قاعدة بيانات للمدونين و بايعتها على مكتوب

Q80-Chill Girl said...

LiL AlieN

نفس تساؤولك دار ببالي، شكيت انه اكو ايلينز يساعدونهم بس لاء اذا حتى انتوا محتارين @!@ مادري شلون جكونا؟

بالاضافة الى تفسير ابو مريوم الموجود اعلاه و اللي في احتمال كبير يكون اهو اللي حاصل، لو ادري جان طلبت على كل من ياخذ عنوان ايميلي ظريبة

عندي نظرية الايميل اجريجيتوور @@ يمكن اكو كود معينة تشتغل بنفس المنطق بس انها تجمع الايميلات اللي موجوده بالبروفايلات اللي مثلا مذكور فيها انك من الكويت؟

Q80-Chill Girl said...

Father of Maryoum

اعتقد تفسيرك يحمل الكثير من المنطق ،، جزاك الله خيرا على الافادة

kuwaite said...

مرحبا

بخصوص مكتوب كلام بومريوم اقرب للواقع


اما بخصوص الخجل ماوصيج اذى الحق وياج

لا تسكتين وخذي حقج

وسلامتج

Q80-Chill Girl said...

Kuwaite :}

معاك حق و ان شاء الله بتحجى اذا لي حق و اطلعه من عيونهم @@