Wednesday 11 April 2007

اول مره اتعرض للسرقه الأدبية! شي يعور

بلا سبب سويت بحث ب قوقل عن نك نيمي، مع اني اليوم حدي مشغوله بس احتجت مساحة من تفريغ الذهن. أكتشفت بالصدفه هالمقالة القديمة لشخص بمنتدى إماراتي بتاريخ 7-9-2005 يعني من سنه و7 اشهر و تووووني اكتشف هالسرقة العلنية اللي تمت بدون خجل، يعني على الاقل قول ان هالشي منقوووول! امبي و الله حرني صج صج ان لم تستح فأفعل ما تشاء، و المشكلة ناسخ نفس المقالة بالظبط ما فكر ولا كلف خاطره ايغير فيها شي!! ولا كلف روحه يفكر ان هالشي غلط ولا حرام؟


الكاتب ما يملك الا مصداقيته ان فقدها فقد الهدف من وجوده ككاتب، فا ليش تبوق؟ و على الاقل لو خذيت معلومة من
أحد من باب الأمانة الأدبية اشر للكاتب الأساسي؟ و اقلها قول منقول بس لا توقع بإسمك تحت المقالة و تنسبها لك بدون وجه حق


للملقب بالمستشار ،، مراقب الأقسام الترفيهية بمنتديات مفاتيح إماراتية أقول ،، عيب عليك تسرق! السرقة حرام ومالك مبرر على اللي سويته، صج شي قديم بس انا توني اكتشفت و من قلة الأدب ان تسرق احد و همن تحط صورة من موقعه الشخصي بدون وجه حق



البقية تأتي اليوم لاحقأً، ماراح اسكت
:)

15 comments:

Anonymous said...

hatha men el noo3 el mako mayred 3ala ahaaad ashkara :)

Q80-ChillGirl said...

this is more of the type that

لا يحلل ولا يحرم ولا عنده ذمه و مصداقيه

:)

Q80-ChillGirl said...

من الحره ماثبتت نسيت اقول خوش بلوق

اختي او اخوي مادري؟

welcome to the blogging world, interesting blog, what i liked about it is its field of interest (art & design) so creative, inspiring & cheerful :D

kuwaite said...

مرحباً بك في عالم الانترنت

عندي تصور رائع

لو تنباق المدونه بكبرها بمواضيعها وبالأسم المستعار وكل شئ

حزتها شنو راح يكون شعورج


مقارنه بسرقة البوست


:)

Q80-ChillGirl said...

مافكرت فيها على مستوى بلوق كامل

اتوقع بستخف

لانه صج شي يجرح و حرام

اتوقع اسهل شي انك تكتب بهالوقت مع انتشار المعلومات يعني على الاقل الشخص بامكانه الاقتباس، الاشارة لاحد ما، بس يكون عنده لمسه باللي يكتبه مو الهدف النشر لمجرد النشر

كل ما افكر بفكرتك انه لو انباق بلوق كامل مع نك نيم اخترع، الله لا يقوله

و اشوه اني مسويه باك اب
(Thank you Exzombie, he told me about this site copier software)

حق المدونة و عندي الصور الاصليه (لاحظ اني عشت الدور) و هم فكرة تغمت القلب

kuwaite said...

المهم اني هونت عليج سرقة البوست

:)

Tekana said...

في عالم الانترنت البوق حلالي حبيبتي.. على فكره هذا الكتاب انا قاريته حده يخرع :)

Q80-ChillGirl said...

Kuwaite

لا عادي انا عورتني بحزتها و حاشتني ميني صدمه بس عادي، اكبر و انسى

Tekana:

لووول بس يبقى البوق بوق و السرقه سرقه، ماكو شي يحللها و يخليها عادية، لو استهانوا فيها الناس انا عمري ماراح استهين بهالجريمة

اللي يبوق سطر مثل اللي يبوق معلقة

و على ان الكتاب يخرع انا شفته يونس لاني اقرا ابداع شاب كويتي بمجال مو منتشر بين الكتاب الكويتيين بمجال الرواية اللي يغلب عليه الجانب العاطفي و الاجتماعي، و شكرا يا وخيتي

barrak said...

النفروض انك تفرحين
لانه السرقه لافكارك معناها انك مثال
ورمز ولما يستعينون بكتاباتك يعني انتي وصلتي لهم حتى لو يكونوا سراق
اعتبريها وصول
لايضيق خلقج
الحراميه وايد
بس المبدعين امثالك قلائل
انا عن نفسي تعرضت لسرقات كبيره بس دام الاحساس موجود بقلبي محد يقدر يسرقه ومثل ماللمدونات ايجابيات هم فيها سلبيات
دمتي رمز لنا

Q80-ChillGirl said...

تدري لو ماخذ افكار جان استانست

لان الفكرة اهي زبدة اللي بقوله مو الكلام المحكور بعقليتي و حصيلتي اللغوية، لما احد ياخذ فكره منك و يتبناها ويقتبس منك بعض الكلام لو لقى نفسه يتحاج المصدر الاساسي اللي خلاه يحب الفكره جان ما تضايقت

من فتره كتبت تعليق، بعده بفتره بسييييطه نزل واحد موضوع ايتكلم بنفس افكاري بالظبط! و اللي خلاني احس بهالشي انه نوه لنقاط انا ذكرتها بالنقاش و محد قبلي تطرق لها، طبعا احتمال انها تكون صدفه و مجرد توارد خواطر وااارد جداً بس مجرد فكرة ان اللي طرحته و تناقشت فيه خلى احدهم يكتب شي فيه من افكاره خلاني استانس لاني اشوف تناقل الافكار بشكل حي و بلسان الاخرين، بهالشي انا و اهم نستفيد

و اخجلتني يا وخيي حسستني اني اجاثا كرستي ولا جين اوستن
;p

Anonymous said...

والله حاله!! انزين شالحل يعني؟ للحين موجود موضوعج بالمنتدى بدون كلمه منقول او المصدر؟ اشلوون بتحلينها؟

Q80-ChillGirl said...

Bo talal

welcome to my blog

افا عليك انا اسكت عن حقي؟؟ جيك اخر الموضوع اللي بكتبه الحين و شنو سويت

Q80-ChillGirl said...

Bo Talal

check this out

Stolen post no more


و ان شاء الله يفيد اللي سويته

Anonymous said...

عزيزتي اتفق معك في مسألة الحقوق الفكرية و الشخابيط للمدونجية
لايضيق خلقج تاريخ النشر هو الفيصل و متابعة قراء المدونة هو صك الملكية الفكرية

Q80-ChillGirl said...

عتيج الصوف

حياك الله بمدونتي

و بالنسبه للحقوق و الملكيةالفكرية بالانترنت صعب المحافظه عليهم اتفق معاك بهالشي ، الموضوع بحزتها كدرني بس بعدين عادي و اشوفه انه درس تلعمت منه اشياء واجد تفيدني بهالمجال، اهمها ان مجرد شعور انك قلت كلمة حق تدافع فيها عن نفسك حلوه و ان الحوار فن و الكثير لايجديونه و ان الاستفزاز ناجح مع البعض لدرجة انه يخليهم يتخلون عن اقنعتهم و مثاليتهم اللي يدعونها :>

لويه و هذرت حيل برد بسيط بس من كثر ما هالموضوع حركني