Wednesday, 28 October 2009

From here and there

Got late for work, decided to have breakfast home, every one is in shock! ur not at work, then I thought to my self why didn't anyone assume am on leave? Do I work too much!? that they actually forgot this option lol?

ماكو شي احلى من سوالف حمّود ولد اخوي، بس اليوم لها نكهة خاصة! قاعده اتريق بأمان الله

حمّود: عمتي، دريتي انا زوعت
انا: لا سلامات "احاول ابلع لقمتي باسرع وقت و جبدي بدت تقلب" متى؟
ح: امس بالصبح ،، اقصد اليوم الصبح
ا: ميخالف من الحراره ايصير جذيه ساعات اهم شي سلامتك انت زين؟ شلون بطنك الحين؟
*ببالي رجعت ولا زوعت! بعدين فكرت مو وقته صراع اللهجوي* كلش مالي داعي
ح: لا لا عمتي تدرين انا زوعت و طلع مني شي لونه

*اهنيه بديت احس اني غلطت لما طولت معاه الموضوع* ودي اقوله حمود ما احتاج هالكثر تفاصيل بس شكل كشته و بجامته المعفسه خلوني اكمل معاه

و استطرد حمود: شي لونه اسود مادري بني
ا: *قاعده اغمض عيوني لعل و عسى مخي ما يشتغل بالخيال* الحمد لله حبيبي اهم شي انك زين، عندك دوا ولا بتروح الطبيب؟
ح: لا عندي
ا: قاطعته قبل لا يسترسل، انزين حبيبي اكل دواك و ان شاء الله تصير زين و هذي اخر زوعه ان شاء الله


و تم يروح و يرد و يكلم لي سوالفه و خرابيطه اللي تونس، بس بدون زواع

Lately my days were hectic, socially mostly, although I like connecting with people but not excessively, being the oldest of the girls is not so easy!

السيل لمحمد عبدو دشت مزاجي مادري ليش! بس اللي بحفله مو التسجيل الاصلي، سمعتها ذاك اليوم بالكويت اف ام مع برنامج عبدالعزيز الصايغ و محمد الجاسر، احب هالاثنين يونسوني، مع اني ما اسمع ١٠٣.٧ كلش مؤخرا، بس هالاثنين ردوني لها

5 comments:

جبريت said...

اي والله لما الواحد ياخذ اجازه ليش يستغربون ولما يقول اجازتي مطوله ليش يسألونه متى تخلص اجازتك؟؟

اما حمود هذا لو جدامي مو يسولف جذي لا يمش خشمه بس حطيته كوفنته وايد اسويها بعيال اختي

اما ثالث نقطه مخي مو راضي يفسرها مادري ليش حتى لما ترجمها لي مديري مو قادر استوعبها لاني ما شربت قهوة الصباح مخي يشتغل على جمله ويقفل خلاص تهقين يبيله فورمات؟؟؟

Q80-Chill Girl said...

جبريت

لول! يعني مو بس انا اللي خلق الله يستغربون اجازته و ان خذيت، عسى ماشر؟ اقولهم ماشر بس اجازه برتاح

حرام صدقني حمود لا يقاوم يقتلني انه طيب و مؤخرا امشيه عليه فلم ان ربعي "الاكس من" و اعرفهم لان عندي قدرات خارقة! و قدرتي الخارقة اني البس جوتي عندي نفس ملوت الباليه اللي ايتعفسون

ثالث نقطه اللي بالعنجريزي، سلمك الله قاعده اتحلطم اني اكبر البنات في بيتنا و عليه التزاماتي الاجتماعيه مع الوالده كثيره :) احب الناس بس ما احب كثر الزواره

اذا كنت مدمن قهوه اي ياثر لوول، خفف منها و بلش يومك بماي :) حيل احسن

3baidsblog said...

"احاول ابلع لقمتي باسرع وقت"

LOOOOOOL poor Chill Girl XD

It's a good thing that I don't visualize unless I put some effort into it :]

Khalid said...

lool
aham shii!
tadreen law hatha weld e5ty chan 9ar 6ag min el 9b7 walla ;p

Q80-Chill Girl said...

3baaaaaid
LOL, good for u! as for me, ana on the spot! am very visual

Khalid
LOL, ur as violent as chabreeeeet seda tkufu5 loool