77 : بنت الشمس

على ما وصلت لقيت بنت الشمس "مادري شنو اسمها العلمي" مرتزه على مخدتي :> استخدمت خلفية فاقعة علشان اتبين. اذكر بنت الشمس من ايام الروضة ، استانس كل ما اشوفها و اتم الحقها و لفترة من الزمن عبالي انها مخلوق! مو نبتة، تخيلتها مثل الحشرات تشوفني بلمسها و تنحاش مني، قبل لا اكتشف انها خفيفة لدرجة ان الهوا يحركها و اني لما احرك ايدي احرك الهوا

بس للحين مادري ليش كنا نسميها بنت الشمس!؟ يمكن لان شكلها يشبه الشكل اللي نرسم فيه الشمس؟ دائرة و حولها خطوط اتعبر عن اشعتها