Tuesday 21 June 2005

! بغيت أموت

الشرير

اليوم بغيت اموت! كان ممكن إني اخسر حياتي بسبة واحد متهور .. عمري ما حسيت اني منقهره من احد و صج ودي انه يتعاقب و بإنصاف قااااسي كثر هالشخص! .. بس فعلاً حيييييل شرير من صج يعني شرير شرير مو بو طقه


الطيب


الطيب مكسور الحيل ينكسر قلبي لما أشوف شخص بهالكم الهائل من الكآبة و الخذلان من الزمن و الوقت و كل شي
يحاصره لدرجة تمنيه للموت .. تحدي جديد علشان أشوف إذا اقدر اخلي التفاؤل يجتاح واقعه و لا لأ؟؟


ساعتي

ساعتي مع اني أحبها و صار لها عندي الحين سنتين و قريب بتكمل الثالثة بس نسيتها بالبيت على مدى يومين .. بعدين استوعبت اني ما احتاجها لان التكنولوجيا اللي تذكرني بالوقت متوفرة بكل مكان.. مع اني ابي اشتري غيرها عن قريب الا اني وفيه لها (صار لي سنه تقريبا!! اقول هالحجي و افتر و ما يحلى بعيني إلا اهي مع انها مو ذات تصميم ساحر بس حيل عملي بالنسبه لي و تناسب حجم ايدي) و لحد الحين اهي المتربعه على عرش الرفيق العملي لأيدي يوميا .. طبعا عندها خوات بس اهي اللي كل يوم معاي

صدمه

انصدمت بانها اكتشفت كذبه الواضح .. شخصيا استغربت اشلون كانت معميه .. بس ما لمتها لما شفت دموعها دريت انها حبت من كل قلبها .. كسرت خاطري لانها ضيعت حب على شخص ما يسوى .. من داخل ابقى اشدد على ان الحب الصادق بحد ذاته مو خساره حتى لو اللي حبيناه ما يسوى، مجرد الحب و وجوده داخل شي زين .. و هم البشر مو كاملين ما اتوقع من الكل الصدق و لا الخداع بس اتوقع ان الحب يكون شي زين

معصومة مو معصومة.. لأنها بشر

الدكتورة معصومة ربما هي اليوم اشهر شخصيه نسائية خليجيه.. سعيدة بوجودها بالحكومة.. افتخر برزانتها بالمجلس .. سعيدة باختيارها .. ما أتوقع منها حل كل مشاكل الوزارة أو الكويت لكن متفائلة بكفاءتها و على الأقل بدينا المشوار بشخصيه صح أتمنى نكمل صح و ما ننجرف وراء تيار اللي يبيون يرتزون علشان يحصلون لقب مو يكتسبونه بجدهم و عملهم.. و تبقى الانثى تنتمي للبشر و محد فينا كامل! و بما اننا ما شفنا السنع من الذكور فلا نقسى على الاناث و نتوقعهم اسنع او اسوء :) اعتقد لو نصبر و نشوف ابرك من تعليق الآمال..و عسى الله يوفق د. معصومة

وووو ادري المسافات يبيلها تعديل بس حدي دايخه و ابي انام فا باجر ايصير خير

:}

15 comments:

بومريوم said...

خطاك السو :)

Ra-1 said...

الحمدلله على السلامة !

وبالنسبة للساعة آنا ماقدر إيدي دقيقة من غير ساعة
طول اليوم ساعة بإيدي تعودت
:)

Nooni said...

mino al shereer?

Purgatory said...

Yeah mino the bad guy!

Shurouq said...

الحمد لله على سلامتك

آنا ما ألبس ساعة من يوم دخل الموبايل في حياتي

عجبتني "الحب بحد ذاته مو خساره حتى لو اللي حبيناه ما يسوى" وودي أصدقها
:)

Q80-ChillGirl said...

Bloooo

امييييييييييين و بالذات هالشرير الاهبل اللي بغي يودرني @@ شرير و تلح

لوول و انا عبالي انا بس الوحيده اللي اثريه و ما ابي اغير ساعتي طلع فيه مواهب تباريني بمعارضة التغيير

Q80-ChillGirl said...

Bo-MarooOouM

تسلم و خطاك اللاش .. عسى الله يبعد عنك و عن الكل امثال هالتلح المطفوق

Q80-ChillGirl said...

Ra-1

الله يسلمج :> مشكوره

و بالنسبه لتعلقج بساعتج ما حاشني هالكثر بس تدرين شنو اللي ايبط جبدي اكثر شي؟ الخط الفاااااااتح اللي تحت سير الساعه على ايدي .. شكلي حددده غلط :> الكف اجلح املح و بعدين شوية لون فاتح طبيعي و بعدين اترد اتجلح و بعدييييييييييين يظهر اللون العادي لليد ! شكل ايدي حيل مأساة و كله من الساعه مو راضيه تخليني اجللللح على راحتي

Q80-ChillGirl said...

Nooni :}

اللي فجأة دش على حارتي و خلا سيارتي تفقد توازنها و تاخذ فيني يمين و يسار و لوما ربي ستر و اني مو دايسه و تداركت الموضوع! جان انا بخبر كااان .. فا من جذيه استحق لقب الشرير بجدااااره

Q80-ChillGirl said...

Purg :}

Although kan wdi agool its u ;p but its not :< its a wako (spell check?) on the road .. So back to our subject :} did you quit smooking yet?

Q80-ChillGirl said...

شروق

الله يسلمج

بالنسبه للحجي اللي ودج اتصدقينه .. مو ظروري اتصدقينه بس المهم تفهمينه و تقتنعين بالمفهوم مو بالظروري اضافتها لاجندة حياتج :> كثر ما انا ودي تفهمين قصدي .. لاني ادري فيج لو ما اقتنعتي على الاقل راح تفهمين كلامي و اسبابي .. و من باب المثال

الام حتى لو اولادها عاقوها تبقى اتحبهم ولا يمكن تنسى بيوم انها ربتهم و حظنتهم و سقتهم عافيتها .. اتحسف و تنقهر لو الزمن خلاهم يقسون او سوء التربيه او غيرهم من الاسباب، بس هم ما تقدر تكرههم :} الحب اللي من القلب لو كان "صادق" مثل الضنى .. فكري فيها بهالشكل و شوفي .. و بالنهايه! قناعتج اهي الحكم و الفيصل

Q80-ChillGirl said...

Valiant Contender

مشكور تسلم و خطاك اللاش :>

Purgatory said...

not yet
:)

Q80-ChillGirl said...

Purg :}

Try harder {: please!

Q80-ChillGirl said...

:* Goldeeeeeeeeen

after my liver entay :} ,, o 5a6ach el lash dear am fine thank you just so busy with work & life :( o ya b5tch that ur free coz am not & I wish I had enough time to sleep! sudenly the day feels so short?!!!