خشمك عملية؟

مواقف متعدده تصادف وحده قريبه حيييييييل لي بالسؤال عن ما اذا كان خشمها صجي ولا عمليه! والعامل المشترك بين السائلين هو افتراض العملية مسبقا

"خشم فلانه عمليه صح؟" سيدا بدون تفكير!؟

صارت كلمة فلانه مسويه عملية تجميل عادية و فخر! بالإضافة لأنها علامة من علامات ان هالبنيه "ستايل" و هم انه عندها فلوس، الجواب المعتاد من هالبنيه اهو "لاء خشمي طبيعي مو تجميل"، مع العلم انه واضح ان خشمها ما تم تجميله بعمليات لان هذا خشم كل من بعايلتنا من طرف الوالدة المهم والقصد افتراض اللي يشتهيه الشخص مو زين بكل الحالات لان زود التفطحل مو زين و يوهق ساعات، و هم ليش محد راضي عن نفسه بشكله الحالي؟ يعني لازم الخشم يصير مصقول؟ او الشفايف محدده؟ اشفيها الطبيعة اللي الله خلقنا عليها؟ ولا الجمال صار عندنا مقرون بقدرة عمليات التجميل؟ خلاص ماكو شي طبيعي !!؟؟

في حال وجود خلل بالوظائف الطبيعية للجسم ناتج عن تشوه عضو، يعني مثلا قنوات التنفس بالخشم فيها خلل او تشوه كبير بسبب طبي او حادث عرضي أو هالعضو من الجسم مشوه بشكل كبير يأثر على حياة الانسان الإجتماعيه أايد التجميل مافيها شي بس مسألة والله خشمي مو عاجبني ابيه يصير نفس خشم فلانه فا هذا عبط، تقبل الذات أول خطوه علشان نكون بشر