Thursday, 8 May 2008

The best Falafel Bu6a6 Sandwich in Kuwait [Review - Nwarah Al-A9li]




نوارة الأصلي - السالمية شارع سالم المبارك "شارع الفنار على تسميتنا

في بداية الأمر قررت اني اطلب منه لانه كان قريب و قلت زلقة بطيحة! خل اخذ جرعة فلافل بطاط، و بالفعل وقفت عند المطعم المطل على شارع سالم المبارك مباشراً و يم مجمع مريم، و على الرغم من انه اكو داعوس بين مجمع المطعم و مجمع مريم لكن فضلت اني اغامر و اعيش تجربة الفلافل بطاط الكويتية الحقيقية و اسفط على الشارع العام!! و بدون فلشر "يعني قوية" بس بعدين راحت السيارة اللي وراي و خفت على سيارتي ، شبيته.

و وصل الجارسون و قلت له ابي فلافل بطاط لو سمحت

الجرسون: عاوزاها بحوموص ولا طحينة يافندم

انا: *في حيرة من امري بس قررت اني اخذها اوريجنال* لاء لو سمحت ابيها بطحينة و سلطة، و لو سمحت عطني درزن فلافل

علشان اعاين الفلافل صح

و بعد ربع سااااعه وصل الطلب



و بسرررعة بطلت الصمونة بالسيارة طبعاً علشان اكلها صح على الطريقة الكويتية الخيشية شكل الصمونة كان دائري و صدمني هذا الشي! انا توقعت صمونة طوالية! مو دائرية بس حسيت انه تغيير حلو



و بالداخل كانت المكونات ، و الصورة الفنية خذيتها بمساندة اختي، و ترددت اني انشرها بس حسيتها معبرة عن المكونات الحقيقية بشكل صريح وتقدرون تشوفون ان البطاط فاتح و مو مقلي حيل و هذي الطريقة اللي يتميز فيها هالمطعم و فلافله خفيفة وفاتحة



وقررنا نقرم فلفولة علشان نشوفها و نستمتع بطعهما خالي

التقييم

انا شفت ان فلافلهم ماصخة و بهاراتها قليلة، بالإضافة الى ان الجرسون ما تشرشح من شارع لي شارع علشان يوصل لي لان الموقف متاح يمهم، ماكانت الخطورة بالموقف عالية كفاية، فلافلهم اقدر اقول ميديم رير، و البطاط كان فاتح بزود يبيلة قلي، بالنسبة للتقديم كان جيد و لكن الصمونة خلال الاكل سرعان ما نشفت اطرافها، تناقص الاكسجين كان عالي و هذا يحتسب لهم بس مخي ما قفل بعدها!؟ الشئ الذي من شآنه تقليل توافق الصمونة مع ماي ستاندردز

all in all

I give it 2/5

11 comments:

Ameen said...

بالعافيه :)

Hasan.B said...

This has to be the coolest and funniest review I have witnessed!

Purgatory said...

أنا أبي ريفيو عن سندويتش بيض معجون

Fatima said...

And I've been told that Nawarah Al-A9li is the best out there, tsk tsk.

q8philic said...

تحليل موضوعي خال من التحيز ومتسم بالوسطية لكن بوجهة نظري "فلافل شرف" هو المتربع على عرش الفلافل في الكويت وباجي المطاعم يلعبون على المركز الثاني
فلافل شرف ====> رمز الاصالة
:)

Q80-Chill Girl said...

Ameen

allah y3afeeeeeek :D

Hasan.B

glad u liked it ;p

Purg

say what?
scrambled eggs in an other way to be written y3ni?

Fatima

welcome young blogger :D well as they say ,, lawla ekhtelaf al athwaq labart al sela3 ;p

loco said...

bel 3afiah :) bas roo7aw KANARY OOO the best :P

Anonymous said...

try felfela shameya branch and try sharaf next to dasmaan mall

Desert-Roses said...

و بعدين ربع ساعة عوار بطن!!!
لوووول

Ra-1 said...

Hehhe :)

Q80-Chill Girl said...

Philic

lol well my mother made it seem like a routine for a while, i thank god for skipping that phase 3la khair


loco

allah y3afeek dear, and inshallah its noted on the list


Anony

ok filfela shamiya is a new one :D will try to tuck it in the schedule


Desert roses

check out Mark's burger review thing then the real joke behind this will be obvious ;p

RA-1

7y allah :D