Saturday, 21 June 2008

محمد هايف

محمد هايف المطيري كثر الجدل حوله و الانتقادات وجهت له بشدة تحديدا حول موضوع عدم وقوفه للسلام الوطني لكويتنا، فمنهم من زاد حصيلتنا باللهجة المصرية باسلوب مليء بالاسفاف للاسم و ليس لافعال الشخص الامر الذي ارتأيت انه مشين بحق الرأي الحر و لعل كلمات المدون عالي الثقافة و الرقي الاخ اي دب تلخص وجهة نظري


محمد هايف المطيري، ليس بـ هايف، ومن المخجل أن يفلس خصومه لدرجة أن يسخروا من اسم والده، عيب عيب عيب
لو تم تعذيبي لأصوت له لن أصوت مهما كان العذاب، ولكني لا أقبل أن يسخر كائن من كان بأبي
يا حيف والله


و لم يكن الانتقاد سلبيا في الكل بل وجه له انتقادات باسلوب راقي ولا اشير لمحتوى المقالة ككل بل على موضوع نقد محمد هايف المطيري، و تستمر ردود الافعال الى

نقل لمقالة الصالح
شقران الذي اعجبني كلامه
العنوان اقل اسفاف من غيره
بالمقالة يقط يا هايف على ابو انه اسمه، على الرغم من ان اسمه محمد فا شمعنى اختير اسم الاب في هذه المناسبه ؟
اعتقد ان اسم الاب "هايف" و ليس الهايف، ال التعريف تقول الكثير عنك و عن اسلوبك

اللي بقوله عقب هالعرض و النبش لموضوع سابق ان الاستخفاف بالاشخاص غير مقبول لدي و لم نتربى على هذا الاسلوب و طول عمر الكويتيين محترمين و يتعاملون مع الناس باحترام يعكس تربيتهم ، و مبدء الفقر الحواري الذي يحصر "ناقص العقل" بالتجريح بهذا الاسلوب المقيت يجعلني اكره الحوار مع الفقراء حواريا و فكريا، انا ضد ما فعله محمد هايف جملة و تفصيلا لاني اعتبر ان النشيد الوطني كما هو علم دولة الكويت شعار لدولتنا الحبيبة الكويت ولا يجب الاستخفاف بهم، ولكن بالرغم من ذلك لا يوجد ما يجرم فعلته دستوريا ولا قانونيا كما حصل مع التأبين الغير مرحب به و المكروه من قبلي! للمجرم مغنية المنتمي لحزب الله الدخيل على الكويت و الكويتيين! يعني ما بيدنا شي باختصار لا يجرمهم شيء من قوانين دولتنا، و انا اقف ضد من قال نسحب جنسيتهم و الى اخره من الهراء لان من شاركوا بالتأبين مواطنين و مو كل من ما عجبنا موقفه قلنا خل نسحب جنسيته!

الاهم من كل هالسوالف و النبش، فيه احد بيقول و الله مقترح محمد هايف المطيري زين؟

اتمنى ان نتجرد من الافراد و خلافاتنا معهم و نرى ارائهم بكل حياديه، اتفق مع محمد هايف و اعتقد بانهم مرضى يحتاجون العون منا كمجتمع كويتي، و متشوقه اشوف راي بيت القرين تحديدا لانها من متابعين الوطن و شنو رايها؟ و هل بتطوفها هالشغله ولا بتنتبه لها؟

المقالة للتنويه بان الكويت اكبر من خلافاتنا الفردية و ليس لمساندة محمد هايف قلبا و قالبا، فلي خلافاتي مع توجهاته و لكن بهذا الاقتراح! اسانده

11 comments:

قاهر الخداي said...

يحليلك يا ليبرالية يا دايخة! هذا الرجل يريد ان ينحر رقبتك و انت تدافعين عنه! التبعطز على اسمه فيه حكمة و هي الغاء تقديسه المستقبلي! هل فهمتي، أم ستستمرين على خدايك؟

أخطر شيء على الليبرالية هو خداي الليبراليين.

حظا سعيدا

Q80-Chill Girl said...

قاهر الخداي

الله يعينك على نفسك اذا كان هذا مستوى حوارك، توصفني إني دايخه و خداي و لويه! هالالفاض تنم عن عقليه ما تبشر بالخير

Liberalism refers to a broad array of related ideas and theories of government that consider individual liberty to be the most important political goal.[1] Modern liberalism has its roots in the Age of Enlightenment.

سلمك الله انا مو ليبراليه ولا لي اي توجه انا كويتيه :) و من قالك اني ليبراليه؟ انا مالي انتماء لأي توجه سوى ذلك الذي ينفع الكويت أيا كان

اليبراليه يا "قاهل الخداي" تتطلب ان تكون الدولة دولة قوانين ولا ذكر للدين في تعريفها "على الرغم من اعجابي بمبادئ اليبرالية التي تنص على اعطاء الحرية للفرد"، بينما دستور دولة الكويت يعترف بالدين الاسلامي كدين رسمي للدولة و كثير من تعاليمه دخلت بنصوص قوانين دولة الكويت لذا فدولة الكويت حالة خاصة من الوسطية و سيتم النزاع ليفوز احد الأقطاب على الأخر الى أمد طويل، لأننا لا نعي معنى الحرية الحق

و ما قلته في تعليقك أصاب كبد الحقيقة، تحيزت لشخص "محمد هايف" و عدم تقبلك له و لم تفكر بمناقشتي بما اقترحه

فلم تكلف خاطرك بان تقول ان الاقتراح جيد ام لا؟ ولم تفض علينا برأيك عن مشكلة الشواذ جنسيا بل انتقدت الشخص بشكل مباشر و انتقدتني تباعا له بس لاني قلت ان محمد هايف قال شي زين، و على الرغم من اني وضحت اني لا اتفق معه لكنك أبيت ان ترى ذلك

:)

شكرا، أوضحت ما كنت اريد إيصاله من المقالة أعلاه

EXzombie said...

الظاهر الدايخ الخداي واحد من الي انتقدتيهم بالموضوع

بس حبيت لو نورنا المتبعطز شوي في حكمة الاستهزاء من ابو محمد هايف و اثرها في الغاء التقديس المستقبلي له

و هل كان سينفع مع السعدون و لا الخرافي

Enter-Q8 said...

كالعاده و زام الليل المليق و الدايخ بسبب الجو او بيئة العمل
اقلب بالتلفزون
و الا قناة سكوب و لقاء معمحمد هايف
بصراحة
ارفع له عقالي
الرجل عندما تحدث و هاجموه كان بمنتهى الاخل و عدم السب و التجريح
و تكلم عن لجنة الظواهر

و قالوا حريات ووو
الرجل حتى الجنس الثالث
اللي لو انا مسؤول و بعد نفسي تكانة
بقرعهم و خيازرين
قال محمد هايف
و تكلم بكلام منطقي
قال نحطهم بمستشفيات
نعالجهم اذا من الهرمونات
او نفسيا او تشوه خلقى الى اخره
و هم رجع و قال
ان هؤلاء من الخطر حبسهم و غلط

في نقطة اساسية
ونفتقدها دائما
و ناقشت فيها العديد من الزملاء و اللي نعدون ابو الليبرالية
قلت لهم مره
هل تحترم العضو فلاني اللي يقول عن نفسه ليبرالي
او تحترم
وليد الطبطبائي
الرجل اجاب بكل صراحة و غيره من الزملاء
انهم يحترمون وليد الطبطبائي
تدرون ليش
لأن لديه مصداقية
و هالكلام قلت له لوليد الطبطبائي يوم زارنا
وقلت له لا تبتعد عن اي طرف يا بو مساعد حتى لو كان ضد توجهك
فقال انا ما ابتعد و اكون على مسافة قريبة جدا عندما نلتقي في القضايا الهامة و وجودنا و تجمعنا بالمجلس لم ياتي الا للقضايا الهامة و المجتمع

و حتى لا ينط قاهر نفسه المخدي
اقول له عرف الليبرالية او اعرف معناها
حتى تتكلم باسمها او اسمهم

Q80-Chill Girl said...

EXzombie

خل الحكمة على صوب، شلون بيلغي التقديس المستقبلي لأسمه بالتبعطز؟ و هل هذا اسلوب صاحيين ولا امخديين؟ و هل هو اسلوب محترم؟ باختصار عذر اقبح من ذنب و لان كلامه متناقض ما كلفت خاطري اناقشه فيه، بس اعجبت بانه مثال حي على اللي كتبته بالبوست و انه اول من علق عندي
:>

Nothing makes the point clear like a live example :D

Enter_Q8

ما اعتقد ان الكثيرين واعيين لان الشواذ جنسيا مرضى و يجب التعامل معهم بحذر لكن و الادهى و الامر هو عدم وعيهم للكلام و اهتمامهم بالاشخاص! يعني لو شخص ما اتفق معاه خلاص انا احط عليه اكس ولا افكر اني اناقشه ولا اسمع رأيه؟ بالله هذا منطق؟ وين الليبرالية و حرية الرأي؟ ولا عند اصحاب اللحى توقف :) و بس ماكو ليبراليه

المشكله انهم يرددون شعارات ما يفهمونها و يمجدون اشخاص و مو افعالهم و يندر وجود من له رأي حر يعبر عن نفسه بقناعته الخاصه يعني اللي علق فوق و مسمي روحه قاهر الخداي كسر خاطري بسذاجته و تبريره الشنيع لاستخدام الاستهزاء للتقليل من قدر خصمه؟ بدلا من الجدال و المحاوره العقلانيه و اهو بنفسه ما اتوقع يرضاها على روحه لو خصمه الفكري يهزئه بنفس الاسلوب

الليبراليه للبعض مجرد كلمه يرددونها بس ما يفهمونها

mtfa2el said...

راد على الموضوع متأخر أدري
بس فعلا عجبني ..و أوافق بكل كلمة ..الحين لو نيي حق اقتراح موضوع محمد هايف على الجنوس و البويات صراحة أول ما شفته قلت ..و أخيرا أحد قام يفكر بالموضوع بطريقة صحيحة
أنا اختلف مع محمد هايف بأمور كثيرة بس خلونا نخفف الجلد شوي عشان ديرتنا تمشي
لأنه اشوف وايد ناس صايرين لا شغل ولا مشغلة بس طنازة بالأكو و الماكو
بوست عقلاني احييج عليه

Q80-Chill Girl said...

mtfa2el

مشكور اخوي و سعيده ان اكو احد يشوف اللي انا اشوفه

و هم انا ما اتفق مع محمد هايف و ماكنت ابيه يدش المجلس بس الديموقراطيه فرضته و انا قبلت هالشي لاني قابله بالديموقراطيه بس معقديني الكويتيين بانغلاق عقولهم عن الكلام الصح بس لمجرد انه طلع من شخص ما يحبونه! شي يحر

اعتقد ان اقتراحه اهو اول خيط امل لهالفئة المهمله من المجتمع، انا يكسرون خاطري و حتى اللي مقتنعين منهم ان اللي يسوونه صح و انهم طبيعيين يكسرون خاطري اكثر، اهم شاذين عن الطبيعة السويه للبشر فا لازم نوقف معاهم و انوعيهم و نعالجهم بكافة الطرق علشان يشوفون الصح شنو، مو نهدهم و نقول بكيفهم احرار ولا نحكرهم و نقول هذيلا مو منا و فينا و نزيد هالبلد مشاكل

هالفئة مظلومه من المجتمع و من نفسها و تحتاج وقفتنا معاها، و لو كان من من كان بيعدل وضعهم او على الاقل يمد لهم يد العون بساعده بكل اللي اقدر عليه علشان انقذ بناتنا و عيالنا من هالتخبط اللي اهم فيه

Anonymous said...

الناس بدت تعايره بإسم ابوه لأنه اسمه اصلا غريب

يعني بعض الكويتيين عادة مو متعودين على هالاسامي، بس بعض ابناء القبائل اسماءهم غريبه جدا تخلي الواحد يحس انهم مختلفين و فعلا ترى اهما مختلفين ببعض المفردات و العادات و التقاليد، بس طبعا هذا ما ينفي وطنيتهم بس شي غريب ليما ايي واحد اسمه مثلا هايف، هذا ما يعطي الناس الحق انهم يتطنزون بس الناس تتطنز على كل شي، حتى انا سامع ناس يتطنزون على اسم سبيجه، فما بالك بإسم هايف؟؟

و انا شايف واحد اسمه عباره عن مسبه عوده وايد، اتوقع المفروض انه تكون فيه توعيه و الحكومه على الأقل تطرح عليهم تغيير اساميهم، في بنات ابهاتهم كانوا مسمينهم على مسبات لأنه كان يكره البنت

و بعدين اهوا مفتخر بإسمه و ربعه في المنتديات ينادونه بهايف، و اذا فعلا متضايق من انه احد يطفره بإسمه خل يعدل من تصرفاته، الناس ما هاجمته مني و الطريج و اهوا جنه وده يثبت حق الناس انه اهوا فعلا افكاره تدور حول المواضيع الهايفه ! بدال لا يفكر بالفساد السياسي والمالي والتنميه الخ

و بعدين احب اقول للإخوان و الأخوات اللي انصدموا من المقابله: ترى المخرج عاوز كده :)

ما تعرفون المثل اللي يقول: تسمكن حتى تمكن؟

بس لأنه انسب مو معناته انه صار مسكين، في ناس تسب بالكل، والغريبه انه في ناس تطنزت على القلاف و عمامته و قطعوا ينبه الاسلاميين و الليبراليين بس ما اشوف احد قال شي؟ مع انه عنده علاقات جيده مع الكل، حتى زوجة الربعي الله يرحمه داقه عليه تتشكر منه بالبرنامج و تمدح فيه اهيا و ولدها على تصرفاته معاهم، و نفس الكلام ينطبق على نواب ثانيين بس اشمعنه هايف اللي أثر فيكم؟

انا اصلا ضد السب بس لازم نفهم انه السياسي معرض للسب من الكل، و اذا انسب ما يصير ملاك او يقدر يقص علينا بكلمتين بعدين يسوي فينا دقه

في نواب اتهمومهم بشرفهم اللي اهوا اعز من اسم الابو او العايله و ماصار وياهم هالتعاطف؟

ليش احنا ما نشوف تاريخهم؟ ليش ما نشوف جم قضية مرفوعه على هايف بسبب السب و القذف؟ ليش ما نشوف توجهاته الحقيقية و سالفة مركز السلطان و فيرجن و غيرها و غيرها و غيرها؟

اشوف اول ماكانوا يقولون هالكلام عن حل مشكلة الجنوس ولا كانوا يتكلمون بعقلانية، بس ليما شافوا ردة الفعل العنيفه قالوا خلونا نماشيهم لين يسكتون وبعدين نسوي اللي نبيه

هذي تجمعات سياسية و لها خطه معينه، ولاتنسون ان السياسي مو كل مره يغير موقفه معناته انه صادق ! يا ليت الأمور بهالبساطه !!

و الغريب العجيب انه سبحان الله الجنوس و البويات محد راح يفهم لهم الا لجنة الظواهر السلبية اللي كلها سلف و من فكر واحد، والغريب انه السالفه مو بس سالفة جنوس و بويات، السالفة سالفة اختلاط و فالنتاين و بلاي ستيشن و معرض الكتاب الخ، يعني يبون يقنعوني انه اللجنه حاطينها بس علشان الجنوس والبويات؟ جذب ! ومصادرة الحريات اللي صارت على سالفة البلاي ستيشن و غيرها؟ واللي راح ايي راح يكون اردى الله لا يقوله

استسلمتوا بهالسهوله بس راح تتذكرون عقب ما يتمكنون و ذيج الساعه يفرضون اللي يبونه غصبن على الكل حتى بدون لا يطلعون بمقابله و يبررون او يسنعون كلامهم

صدق من قال انه السياسة فن الكذب !!

Q80-Chill Girl said...

Anony

اولا احب اشكرك على الطرح الراقي :) و الحين نبلش انرد

ابي ارد باقتباس من كلامك، يعني (هذا ما يعطي الناس الحق انهم يتطنزون ) مما يأكد ان السخريه غير مقبوله من قبلك، يعني انتقادي لهالسخرية من الاسم له مبرر لديك قبل ان يكون لدي انا، فانتقادي قائم بمحله والسخريه من اسم سبيكه لا يخفف من وطأة السخريه على اسم هايف، السخريه سخريه و غير مقبوله لا على سبيكه ولا على هايف و غرابة الاسم يا اخي الكريم ليست بعذر ولا يمكن ان نقول بانه بما ان السخريه على الاسماء شي حاصل بمجتمعنا ان نقول انه مسموح به و عادي! لان حتى على اسماء الحضر ايتمسخرون ايصير التمسخر على الاسماء شي عادي؟ (قلت الحضر لانك خصيت البدو بغرابة الاسماء بالذات بحالة اسم هايف) و ليس من باب التفرقه العنصريه
:)
وصدقني ستثور ثائرتي و ارفض اي استهزاء يقلل من قدر الاشخاص باي شكل و مضمون كانت و ليس فقط بهذه الحالة و لكن لما لهذه الحاله من خصوصية بايضاح ان البعض "و للاسف هم بإزدياد" يحكمون على الاشخاص لا على الاراء

هذي زبدة الموضوع، و صادف موضوع محمد هايف بهالفتره و كونه مثال حي كتبت عنه لابين التحيز نحو الاشخاص و ليس نحو الكويت


(في بنات ابهاتهم كانوا مسمينهم على مسبات لأنه كان يكره البنت)

مثل شنو؟ عطني مثال حي لو سمحت اخوي :)

(و بعدين اهوا مفتخر بإسمه و ربعه في المنتديات ينادونه بهايف، و اذا فعلا متضايق من انه احد يطفره بإسمه خل يعدل من تصرفاته، الناس ما هاجمته مني و الطريج و اهوا جنه وده يثبت حق الناس انه اهوا فعلا افكاره تدور حول المواضيع الهايفه ! بدال لا يفكر بالفساد السياسي والمالي والتنميه الخ)

لما ينادونه ب "هايف" اي اسم الاب شي و لما يستهزئون و يشبهون هالاسم بالصفه "المعنيه بكلامهم" باللهجة المصريه وضع ثاني :) لا نلعب بالمفاهيم و الكلمات احنا مو صغار فا لا تلف و تدور و تهون الموضوع و تعديها

انتقاد افعاله شي و التمسخر على اسمه شي ثاني، منو قال اني مو منتقده اللي سواه بعدم وقفته للسلام الوطني؟ اقرا كلامي و انت تعرف رأيي من افعاله ، اللي بوصل له، هل نتخطى مشاكلنا مع الشخوص و نركز على ايجابيات فكرهم؟ :)

(بس لأنه انسب مو معناته انه صار مسكين، في ناس تسب بالكل، والغريبه انه في ناس تطنزت على القلاف و عمامته و قطعوا ينبه الاسلاميين و الليبراليين بس ما اشوف احد قال شي؟ مع انه عنده علاقات جيده مع الكل، حتى زوجة الربعي الله يرحمه داقه عليه تتشكر منه بالبرنامج و تمدح فيه اهيا و ولدها على تصرفاته معاهم، و نفس الكلام ينطبق على نواب ثانيين بس اشمعنه هايف اللي أثر فيكم؟)

مقالتي لا تعنى بالشخوص بل بالموقف وواضح من اللي قلته انك ركزت على شخص محمد هايف و ما فهمت اني رافضه التمسخر بتاتاً و اني كتبت عن موضوع محمد هايف لانه مثال حي بوقتنا الحالي! و تحديدا قارن تاريخ المقاله بتاريخ رابط صفحة الوطن، و مو سالفه اني ليش ما دافعت عن فلان او فلنتان، انا كلامي واضح، سؤال بسيط: هل راح نشوف مصلحة الكويت ولا مشاكلنا الشخصيه مع الناس؟ و موقف محمد هايف كان مثال حي جدامي و لقت انها فرصه اتكلم عن هالموضوع مو عن شخص محمد هايف اللي انت مركز عليه :)

(في نواب اتهمومهم بشرفهم اللي اهوا اعز من اسم الابو او العايله و ماصار وياهم هالتعاطف؟)

عفوا بس اخوي انت ماتعرفني، و علشان جذيه بعرفك اني لو شفت ظلم و بيدي اغيره لو بالكتابه جان كتبت :) الحاله اللي ذكرتها دام انك شفتها و سمعت فيها ليش ما انت كتبت عنها؟ يعني اذا كنت معتقد اني بسمع احد ينقال عنه كلمه شينه و انا عندي خبر عن نفيها و بسكت فا انت ماتعرفني و لا تحكم اني ماراح اتعاطف معاهم، و منو اهم هالنواب و شنو قصتهم؟ ليش ما ذكرت لي حاله من هاللي انقذفوا بغير وجه حق؟

و من قالك تاريخه يهمني ؟ انا يهمني مستوى الحوار و النقد بالكويت، و يهمني منو يشوف مصلحة الكويت و منو يشوف مصلحة نفسه، موضوعي على نقطة التمسخر على الاسم و ليس المناقشة العقلانيه و الصريحه للافعال :) فا ليش انت قاعد تجرف الموضوع ذاك الصوب و كأنك تحاول تبرير التمسخر؟

(اشوف اول ماكانوا يقولون هالكلام عن حل مشكلة الجنوس ولا كانوا يتكلمون بعقلانية، بس ليما شافوا ردة الفعل العنيفه قالوا خلونا نماشيهم لين يسكتون وبعدين نسوي اللي نبيه)

كلامك هذا موثق ولا مبني على تكهنات شخصية؟
انا اعلاه تكلمت بمواقف موثقة و مواقع و كلام واضح، و اسهبت ليما وصلت لرأيي الخاص و لم افض عليكم بتكهناتي :)
و اي ردة فعل عنيفه اللي انت تشير لها؟

(و الغريب العجيب انه سبحان الله الجنوس و البويات محد راح يفهم لهم الا لجنة الظواهر السلبية اللي كلها سلف و من فكر واحد، والغريب انه السالفه مو بس سالفة جنوس و بويات، السالفة سالفة اختلاط و فالنتاين و بلاي ستيشن و معرض الكتاب الخ، يعني يبون يقنعوني انه اللجنه حاطينها بس علشان الجنوس والبويات؟ جذب ! ومصادرة الحريات اللي صارت على سالفة البلاي ستيشن و غيرها؟ واللي راح ايي راح يكون اردى الله لا يقوله)

مجددا تكهنت! و يمكن اتكلم من بعد نظر؟ :) بس هالشي للحين ماصار من قبل لجنة مكافحة الظواهر السلبيه! يمكن مواقف برلمانيه اخرى تاكد كلامك، صح! بس مو اللجنة؟ شنو صارت اللجنة شماعه جديده علشان يتم رمي سخام المواقف السياسية بالكويت عليها؟

http://www.majlesalommah.net/run.asp?id=985

هاللجنه مو جديده و الاطلاع على تقاريرها الاخيره بيكون زين لحصيلتك السياسه الكويتيه
http://www.majlesalommah.net/run.asp?id=1086

لا تقط حجي منيه و الدرب و اللي يعافك و خلنا نركز على موضوع المقاله، الاستهزاء : هل اصبح اهم من النظره الحياديه لمصلحة الكويت؟ و هل عدم اتفاقي مع شخص يسمح لي اني استهزئ باسمه؟ و ما اسمع رايه لو كان صحيح؟

(صدق من قال انه السياسة فن الكذب !!)

انا اكره السياسه لهالسبب اللي انت ذكرته انا ما اكتب فيها واجد ببلوقي، فهي علم و عالم مقيت يحكم فيه اغراء السلطة/ المال/ النفوذ ،، و ليس المصلحه العامه

اللي بقوله بمقالتي، لنتجرد من السخريه و لنستوعب ان مصلحة الكويت فوق كل شيئ، و لنتناسى اختلافاتنا الفرديه، و لنكون عين حارسه لهالدولة و لا نقبل باهانتها ولا اهانة شعبها

و لنعكس عقلانيتنا علينا بان نتحلى باقل درجات الرقي بالحوار و لنبتعد عن السفاهه

Anonymous said...

اولا، المثال الحي اللي طلبتيه حق سالفة اسم البنت والله استحي اقوله لأنه شي يتعلق بوصاخه

ثانيا، انا ما لفيت و درت على سالفة اسم هايف، انا اللي ضده انه يقولون لنا لا تقولون هايف و قولوا محمد هايف و اهوا ويا اللي يحبونه ينادونه هايف، ليش يعني انا لازم اقول اسمه الاول وكأني انا نيتي شينه و غيري يحق لهم ينادونه بإسمه الأول؟ و اهوا اصلا ما اشتكى على انه احد يناديه هايف، انا قاعد اتكلم بعيدا عن التمسخر والطنازه، انا ما بررت السب او التطنز و لو ابي ابرره بقول، و انا ضد السب، و ما يصير اصدق كل شي يقوله شخص اعارض فكره بس لأنه انسب، خصوصا في مسأله ممكن تتطور بالمستقبل و تصير شي ثاني، نفس سالفة لجنة الظواهر السلبية

ثالثا، كثير نواب اتهموهم اتهامات بدون ادله ملموسه، نفس السعدون والصرعاوي وغيرهم من النواب

رابعا، اسمحيلي اختي اشلون التاريخ ما يهمج؟ ترى هذا شي مهم !!! انتي ليما تيين تبين تشتغلين ما يطلبون منج شهادة حسن سير و سلوك على سبيل المثال؟ ليش ما يقولون لا لا تاريخج ما يهمنا؟ اعطيج مثال...ليش تاريخ النائب مهم في اي لجنه ؟ لأنه الحرامي بتخافين منه اذا حطوه بلجنة الماليه مثلا وصاحب الأفكار القمعيه او المتعاطف مع بن لادن ما يصير تحطينه في لجنة حقوق الإنسان او الظواهر السلبيه و غيره، هايف بكل بساطه ينتمي الى تنظيم ثوابت الأمه، وثوابت الأمه كانت لهم زيارات الى مركز سلطان و حاولوا اجبار العاملين اهناك انهم يسحبون بعض الكتب مع انها مرخصه من وزارة الإعلام و هذا شي خطير جدا، على اي اساس انت تراقب و تأمر الناس؟ و مطالبتهم بمنع بعض العاب البلاي ستيشن و مراقبة الحسينيات و غيرها من اعمال هذا التنظيم، مو معقوله انتي ما سمعتي عن هالمواضيع؟ حتى بالجرايد اكتبوا عن هالموضوع!

اشلون هالشي له علاقه باللجنه؟ انا اقولج، اولا هايف له توجهات كلنا نعرفها و يتفق معاه باقي اعضاء اللجنه و الخوف مو من الحين الخوف من المستقبل، و لا تنسين قيام اللجنه بمنع انشاء فريق كرة قدم للفتيات حتى لو كان بشروط معتمدين على رأيهم اهما فقط و متناسين انه كل الدول العربيه و الاسلاميه عندها هالشي حتى ايران، هذا مو تبرير للتمسخر بس هذا تأكيد لرفض "الترقيع" لهم و الدفاع عن افكارهم كنوع من رد الاحترام لهم عقب ما تمسخرنا عليهم و التعاطف مع افكارهم اللي لها مدى بعيد، و لا تقولين تكهنت، شي طبيعي انه صاحب الفكر ياخذ فكره معاه وين ما راح و يحاول يطبقه الا اذا كان في احد معاه يوازن فكره او يعارضه علشان يكون فيه اعتدال، اما اللجنه كلها من فكر واحد ! وافكارهم الفرديه تدل على نزعات غريبه، مثل منع العاب البلاي ستيشن و و منع النساء من لعب كرة القدم و غيرها (هذي تصريحات و اقوال اللي ينتمون للجنه و شوفي الجرايد اذا مو مصدقه)، يعني الظواهر السلبيه سلبيه بالنسبه لهم بس مو بالنسبه للمجتمع ككل، والدليل مثلا على اي اساس تطالب بمنع لعبة بلاي ستيشن بحجة انها مالت كبار بس اطفال يشترونها؟ يعني بدال لا يعدلون الوضع و يفرضون مثلا ابراز الهويه قبل الشراء للتأكد من العمر، يمنعون اللعبه حتى على الكبار! و تم المنع فعلا!! و اذا مو مصدقه روحي مجمع الرحاب و سإليهم، علشان ما تحسبين اني قاعد اتكهن، ثانيا على اي اساس تمنع انشاء فريق كرة قدم للنساء؟ مو كل الكويت تتفق مع فكرك او حتى مرجعك الديني! مثلا فيه ليبراليين و فيه شيعه بنسبه كبيره بالكويت و عندهم هالشي يجوز، ليش لازم يتطبق هالشي على حسب مرجعيتك الدينيه انت؟ و اذا بتطبق على مرجعيتك الدينيه عيل هل بالمستقبل راح تمنع السينما بحجة انها ظاهره سلبيه؟ حسب مرجعيتهم الدينيه السينما مالها مكان في الديره، فإهيا اتوماتيكيا ظاهره سلبيه لأنها لا تجوز، وكذلك قيادة المرأة للسياره بما ان مرجعيتهم الدينيه تشوف انه هالشي لا يجوز اذا فهو سلبي

انا ما قطيت حجي منيه والدرب، اهما اللي يصرحون بالجرايد بخصوص فيرجن و مركز سلطان و غيره و غيره، اهما مو ميانين او يهال يعني المفروض ناخذ كلامهم على محمل الجد و نحاسبهم عليه اذا تعدوا حدودهم، و اللجنه صح ما سوت كل هالاشياء بس على الاقل اعضاءها صرحوا بالجرايد عن رغبتهم بمنع الاشياء اللي تكلمت عنها يعني مو مستبعد ينفذون اقتراحاتهم و تصريحاتهم، خصوصا انهم نفذوا بعضا منها

عالعموم انا مثل ما قلت اني ضد التمسخر لكن هذا ما يعني اني اتفق معاهم او حتى مع اعمال اللجنه، و اتمنى انج ترجعين لتعليق السيد صلاح الملا على اللجنه و اشلون انها تمررت حتى بدون لا يتم شرحها بطريقه كافيه للأعضاء

و انا ما احتاج اني الف و ادور، اذا بقول رايي بقوله حتى لو مافيه سبب مقنع، حرية التعبير مكفوله للجميع و كافي اصلا الشبهات الدستوريه على اعمال اللجنه لدرجة انه الناس قامت تطالب انه اذا في حال التضرر انها تلجأ للمحكمه الدستوريه، و شخصيا كل اللي شفتهم معارضين اللجنه و ادري انهم حاطين اللجنه من زمان و انا معارضها من حطوها يعني مو توني اصحى

ايه و على فكره، مستحيل ما سمعتي عن ردة الفعل على هذي اللجنه؟ ما قريتي عن المظاهره اللي صارت و الحمله اللي قام بها بعض الكتاب مثل عبداللطيف الدعيج و ضحوك البنوان و جريدة القبس و جريدة الجريدة و جريدة السياسة و الآراء اللي انشرتها القبس بخصوص ردة فعل الناس و فوق هذا استضافة اتحاد الطلبه فرع امريكا لإجراء مناظره و غيرها؟

و ترى انا ما تكهنت فعلا ردة الفعل كانت عنيفه هذا بدليل انه هايف صرح تصريح متضايق فيها من ردة الفعل و الطبطبائي كتب مقاله عن هالشي، معقوله يعني ما سمعتي عن هالشي! اذا كنتي تقرين القبس و الجريدة راح تتذكرين جم مقاله كتبت تذم هذه اللجنه! و فوق هذا ردود الطبطبائي في جريدة الوطن! اتمنى انج ما ترددين اني قاعد اتكهن و انج تبحثين اكثر في الاعلام علشان تعرفين اشلون الناس تفاعلت مع الموضوع اول

Q80-Chill Girl said...

Anony

اولا، المثال الحي اللي طلبتيه حق سالفة اسم البنت والله استحي اقوله لأنه شي يتعلق بوصاخه

--
u can e-mail it to me
q80chillgirl@hotmail.com
--

ثانيا، انا ما لفيت و درت على سالفة اسم هايف، انا اللي ضده انه يقولون لنا لا تقولون هايف و قولوا محمد هايف و اهوا ويا اللي يحبونه ينادونه هايف، ليش يعني انا لازم اقول اسمه الاول وكأني انا نيتي شينه و غيري يحق لهم ينادونه بإسمه الأول؟ و اهوا اصلا ما اشتكى على انه احد يناديه هايف، انا قاعد اتكلم بعيدا عن التمسخر والطنازه، انا ما بررت السب او التطنز و لو ابي ابرره بقول، و انا ضد السب، و ما يصير اصدق كل شي يقوله شخص اعارض فكره بس لأنه انسب، خصوصا في مسأله ممكن تتطور بالمستقبل و تصير شي ثاني، نفس سالفة لجنة الظواهر السلبية

--
منو اللي يقولون؟
:) انا ما قلت هالشي؟ ولا قلت ممنوع تنادونه باسم ابوه! اذن لا تناقشني فيه لاني مو ضد مناداته الشخص باسم ابوه
--



ثالثا، كثير نواب اتهموهم اتهامات بدون ادله ملموسه، نفس السعدون والصرعاوي وغيرهم من النواب

--
اعتقد اني ذكرت الرد على هالنقطه بتعليقي السابق، لو عندي معلومه و علم بالموضوع ما كنت راح اسكت
--

رابعا، اسمحيلي اختي اشلون التاريخ ما يهمج؟ ترى هذا شي مهم !!! انتي ليما تيين تبين تشتغلين ما يطلبون منج شهادة حسن سير و سلوك على سبيل المثال؟ ليش ما يقولون لا لا تاريخج ما يهمنا؟ اعطيج مثال...ليش تاريخ النائب مهم في اي لجنه ؟ لأنه الحرامي بتخافين منه اذا حطوه بلجنة الماليه مثلا وصاحب الأفكار القمعيه او المتعاطف مع بن لادن ما يصير تحطينه في لجنة حقوق الإنسان او الظواهر السلبيه و غيره، هايف بكل بساطه ينتمي الى تنظيم ثوابت الأمه، وثوابت الأمه كانت لهم زيارات الى مركز سلطان و حاولوا اجبار العاملين اهناك انهم يسحبون بعض الكتب مع انها مرخصه من وزارة الإعلام و هذا شي خطير جدا، على اي اساس انت تراقب و تأمر الناس؟ و مطالبتهم بمنع بعض العاب البلاي ستيشن و مراقبة الحسينيات و غيرها من اعمال هذا التنظيم، مو معقوله انتي ما سمعتي عن هالمواضيع؟ حتى بالجرايد اكتبوا عن هالموضوع!

--
تاريخه مو مهم في هذا الموضوع "موضوع الاحترام حتى في النقد":) اكرر هذا الموضووووووع، لا تقرا نص كلامي و تتجاهل الباجي، الموضوع كله ايتمحور حول النقد المحترم بدون الاسفاف، و النظر لمصلحة الكويت

المواضيع اللي ذكرتها انت تطالبني بالكتابه عنها و يمكن بيوم من الايام اقرر هالشي بس الحين مقالتي اعلاه تتكلم عن موضوع مغاير لما تطلب مني
--

اشلون هالشي له علاقه باللجنه؟ انا اقولج، اولا هايف له توجهات كلنا نعرفها و يتفق معاه باقي اعضاء اللجنه و الخوف مو من الحين الخوف من المستقبل، و لا تنسين قيام اللجنه بمنع انشاء فريق كرة قدم للفتيات حتى لو كان بشروط معتمدين على رأيهم اهما فقط و متناسين انه كل الدول العربيه و الاسلاميه عندها هالشي حتى ايران، هذا مو تبرير للتمسخر بس هذا تأكيد لرفض "الترقيع" لهم و الدفاع عن افكارهم كنوع من رد الاحترام لهم عقب ما تمسخرنا عليهم و التعاطف مع افكارهم اللي لها مدى بعيد، و لا تقولين تكهنت، شي طبيعي انه صاحب الفكر ياخذ فكره معاه وين ما راح و يحاول يطبقه الا اذا كان في احد معاه يوازن فكره او يعارضه علشان يكون فيه اعتدال، اما اللجنه كلها من فكر واحد ! وافكارهم الفرديه تدل على نزعات غريبه، مثل منع العاب البلاي ستيشن و و منع النساء من لعب كرة القدم و غيرها (هذي تصريحات و اقوال اللي ينتمون للجنه و شوفي الجرايد اذا مو مصدقه)، يعني الظواهر السلبيه سلبيه بالنسبه لهم بس مو بالنسبه للمجتمع ككل، والدليل مثلا على اي اساس تطالب بمنع لعبة بلاي ستيشن بحجة انها مالت كبار بس اطفال يشترونها؟ يعني بدال لا يعدلون الوضع و يفرضون مثلا ابراز الهويه قبل الشراء للتأكد من العمر، يمنعون اللعبه حتى على الكبار! و تم المنع فعلا!! و اذا مو مصدقه روحي مجمع الرحاب و سإليهم، علشان ما تحسبين اني قاعد اتكهن، ثانيا على اي اساس تمنع انشاء فريق كرة قدم للنساء؟ مو كل الكويت تتفق مع فكرك او حتى مرجعك الديني! مثلا فيه ليبراليين و فيه شيعه بنسبه كبيره بالكويت و عندهم هالشي يجوز، ليش لازم يتطبق هالشي على حسب مرجعيتك الدينيه انت؟ و اذا بتطبق على مرجعيتك الدينيه عيل هل بالمستقبل راح تمنع السينما بحجة انها ظاهره سلبيه؟ حسب مرجعيتهم الدينيه السينما مالها مكان في الديره، فإهيا اتوماتيكيا ظاهره سلبيه لأنها لا تجوز، وكذلك قيادة المرأة للسياره بما ان مرجعيتهم الدينيه تشوف انه هالشي لا يجوز اذا فهو سلبي

--
دخولك بلجنة الظواهر السلبية بكبره غير مبرر مقارنة بموضوع المقاله و هالشي قد يلمح لانك تصرف النظر عن التمسخر اللي اهو قلب موضوعي

ليش ما وصلت فكرة ان باحترامك لنفسك و للغير تنشر فكرة ايجابيه عن نفسك؟ و تم تحويل الموضوع الى مواقف الشخص البرلمانيه و الخ الخ؟! فكرتي تتمحور حول النقد و ايصال الفكر برقي
:)

ترقيع؟ انا ما ارقع لاحد بس انا اتكلم بوادي و انت بوادي انا ما تطرقت للجنة و اعمالها انت اللي تطرقت لهالشي، و منو يقولك اني ما الوم النواب اليبراليين على عدم المشاركه فيها؟ و شفت تعليق الملا بالجلسه بس تسائلت انه ليش تاخر فيه؟ و ليش يدش المجلس و اهو ما قرا عنها مع ان هاللجنه موجوده من مجلس ٢٠٠٦ المنحل؟ و الاهم من ذلك ليش ما دخلت كافه الاطياف الفكريه "التوجهات" الموجوده بالمجلس في هاللجنه؟

بتقولي شلون ادش باللي ما افهم فيه؟ بقولم اهو اللي المفروض اتدش فيه كعضو مجلس امه و تسأل عنه

احي صالح الملا على وقفته بس كنت اتمنى منه اكثر بس للحين المش،ار ببدايته و متأمله فيه الكثير من الخير فهو لمسه راقيه للمجلس :) الله يوفقه
--


انا ما قطيت حجي منيه والدرب، اهما اللي يصرحون بالجرايد بخصوص فيرجن و مركز سلطان و غيره و غيره، اهما مو ميانين او يهال يعني المفروض ناخذ كلامهم على محمل الجد و نحاسبهم عليه اذا تعدوا حدودهم، و اللجنه صح ما سوت كل هالاشياء بس على الاقل اعضاءها صرحوا بالجرايد عن رغبتهم بمنع الاشياء اللي تكلمت عنها يعني مو مستبعد ينفذون اقتراحاتهم و تصريحاتهم، خصوصا انهم نفذوا بعضا منها

--

اخوي العزيز انت قلت اللي ابيه، اللجنه ما سوت هالشي بس بعض اعضائها "اسمح لي بهالتعديل" صرحوا بهالاشياء اللي ذكرت

مجددا اللجنه ليست محور حديثي، لا نجرف الانتباه لها، علر الرغم من اهميته هالنقاش الا انه مو محور كلامي ابدا
:)
--


عالعموم انا مثل ما قلت اني ضد التمسخر لكن هذا ما يعني اني اتفق معاهم او حتى مع اعمال اللجنه، و اتمنى انج ترجعين لتعليق السيد صلاح الملا على اللجنه و اشلون انها تمررت حتى بدون لا يتم شرحها بطريقه كافيه للأعضاء

--
i saw it at the time it happened :)
--

و انا ما احتاج اني الف و ادور، اذا بقول رايي بقوله حتى لو مافيه سبب مقنع، حرية التعبير مكفوله للجميع و كافي اصلا الشبهات الدستوريه على اعمال اللجنه لدرجة انه الناس قامت تطالب انه اذا في حال التضرر انها تلجأ للمحكمه الدستوريه، و شخصيا كل اللي شفتهم معارضين اللجنه و ادري انهم حاطين اللجنه من زمان و انا معارضها من حطوها يعني مو توني اصحى

--
fine, again the committee is not a thing i was discussing in this post :)

لو فعلا عددهم كبير وين صوتهم؟
لازم نواجه الواقع ان التيار الديني بازدياد، و شوف تركبية مجلسنا علشان تشوف الشعب شنو و منو يبي

الديموقراطيه حكم الغالبية و مو بالظروره هالغالبيه ترضي الاقليه بحكمها، علشان ترد تقلب الطاوله و تصير من الغالبيه انت محتاج نشر واعي لفكرك و رقي يغلب الاسفاف
:)
فهمت قصدي ولا بتقرا نص كلامي؟
--

ايه و على فكره، مستحيل ما سمعتي عن ردة الفعل على هذي اللجنه؟ ما قريتي عن المظاهره اللي صارت و الحمله اللي قام بها بعض الكتاب مثل عبداللطيف الدعيج و ضحوك البنوان و جريدة القبس و جريدة الجريدة و جريدة السياسة و الآراء اللي انشرتها القبس بخصوص ردة فعل الناس و فوق هذا استضافة اتحاد الطلبه فرع امريكا لإجراء مناظره و غيرها؟

--

و الله قريت بس انت محتاج اكثر من جذيه علشان الناس يفهمون، و الابداع لو ايتحكمون بالعروس لوول؟! يعني هالشي قمة التجاوز على الدستور اللي اهم دشوا الجلس بسببه، بس لا نستبق الاحداث

وجود اللجنه بحد ذاته من افرازات الغالبيه، انشر فكرك برقي و فهم الناس اللي بتقوله و ساعتها بيقررون لنفسهم اهم محتاجين وصايه عليهم ولا لاء؟ و هل حلول هاللجنه سيئة و تخنقهم ولا تساعدهم على النهوض بمستواهم الظواهري؟
--

و ترى انا ما تكهنت فعلا ردة الفعل كانت عنيفه هذا بدليل انه هايف صرح تصريح متضايق فيها من ردة الفعل و الطبطبائي كتب مقاله عن هالشي، معقوله يعني ما سمعتي عن هالشي! اذا كنتي تقرين القبس و الجريدة راح تتذكرين جم مقاله كتبت تذم هذه اللجنه! و فوق هذا ردود الطبطبائي في جريدة الوطن! اتمنى انج ما ترددين اني قاعد اتكهن و انج تبحثين اكثر في الاعلام علشان تعرفين اشلون الناس تفاعلت مع الموضوع اول

--

راح اقتبس لك التالي

"(اشوف اول ماكانوا يقولون هالكلام عن حل مشكلة الجنوس ولا كانوا يتكلمون بعقلانية، بس ليما شافوا ردة الفعل العنيفه قالوا خلونا نماشيهم لين يسكتون وبعدين نسوي اللي نبيه)

كلامك هذا موثق ولا مبني على تكهنات شخصية؟
انا اعلاه تكلمت بمواقف موثقة و مواقع و كلام واضح، و اسهبت ليما وصلت لرأيي الخاص و لم افض عليكم بتكهناتي :)
و اي ردة فعل عنيفه اللي انت تشير لها؟"

لما تكلمت عن التكهن اشرت لانك تكهنت ان هالحل المقترح من محمد هايف ردا على عدم تقبل البعض لاعمال هذه اللجنه، شلون تقدر تقول هالشي :) و اذا ما تعتبر هالشي تكهن و تخمين شخصي على الاقل برر لي بموضوعيه اكبر هالشي

--

و عمت مساءً
:)