Tuesday, 21 October 2008

From here and there

Mentally I'm not back to work, physically I'm going there daily without the least bit of awareness! going in and out of work became a systematic thing I do unconsciously, to the extent that if I had seen a Big orange checked with blue dinosaur I wouldn't notice it!

مواقف السيارات العامة و قلة الإحترام للدور: قبل العيد و خلال الفرارة صار لي موقف مع عائلة من إحدى الجنسيات العربية و غلطتي اني طقيت إشارة اعلن فيها للكل اني ابي هالموقف اللي على يميني و دنيت شوي عن الشارع علشان لا اعطل الناس خاصة و ان العائلة اللي بتطلع من الموقف كانت اتحمل اغراض و يحتاجون وقت، جك بوم ولا سيارة على يساري و تطق اشارة و اتعداني و تعترض الشارع! انا طقيت هرن لين قلت بس!! اشر لي واحد ان نبي الموقف و مستنكر اللي انا اسويه!! قلت له لاء و اشرت على اشارتي و اني ناطره قبلهم

انا هنيه طلع الموقف من خاطري و لاعت جبدي بس هم عيب اللي يصير و قررت اني ماراح اخليهم ياخذونه

المراد نزلوا واحد ووحدة من السيارة ووقفوا جدام سيارتي علشان لا الف و اوقف! يه؟ شهالوقاحة مادري؟ و على موقف؟ و دل اللي تسوق لين وقفت! كل هذا علشان لا اوقف انا فيه! انا هنيه خليت فكرتي اني اعلمهم الدور و الاحترام على صوب و طقتني البوهه من هالتصرف الوقح،، و خذوا الموقف

جان اعصب! جان اقرب صوبه و بطلت الدريشة جني بطلب من مطعم شاورما و معصبه، قلت له: لو سمحت ماشفتني و انا طاقه اشارتي و اشرت لك ان هالمكان لي و انا انطر من ١٠ دقايق ان هالناس يطلعون، مو عيب تسوي جذيه؟

قالي: احنا صارلنا نص ساعة عم نبروم

قلت: شنو يعني؟ انا اقولك انا واقفه انطر هالعايله تطلع و طقيت لك هرن و كاهي اشارتي للحين شابه ماتشوفها؟؟؟؟ على فكره مابي الموقف بس ترى عيب اللي سويته

قالي: سوري ما شفتك

قلت: نعم؟
"ببالي عبيط ولا بيستعبط؟ الله ياكبرها عند ربيييييي انا بكبري ادميه و ابين بين ألف!! و غير اني راكبة سيارة و غير اني طاقة اشارة لا و هررررن بعد!!!!"

كملت كلامي عقب ما حاشتني صدمة من الوقاحة بالجذب: كل هذا و ماشفتني؟ "ااشر على روحي و سيارتي و الاشاره" عموما ترى قلة ادب تاخد موقف ناس ثانيين ناطرين بالدور و عيب هاللي سويته علشان موقف سيارة؟ انا الموقف ما ابيه خلاص طلع من خاطري بس حبيت اقولك ان اللي سويته قلة ادب و عيب علشان موقف؟؟

اهو: سوري سوري

و انا و الله لو مستأذنين مني عادي بخليهم بس حرني اسلوب المخامط

و ما مداني افتريت الا لقيت لي موقف اقرب من الاولي!؟

و تكرر موضوع مخامط المواقف بشكل اخر باحد المجمعات الموقرة بدولة الكويت و تكرر مسلسل مخامط المواقف من كويتيين و غير كويتيين لكن بحدة اقل من هالموقف! على الاقل ماكان فيه وقاحة بالتعامل

يا جماعة ترى و الله عيب! يعني اقصاه موقف سيارة، افتر شوي و بتلقى مكان يعني شنو هالتصرفات اللي تخليكم اتنزلون من مستواكم و تبينون كأنكم مو شايفين خير؟

Tomorrow will be a hectic day! family commitment VS the lecture! tomorrow will see if I fix up my schedule to fit both!

مشكلتي اذا ما اشتهيت أحد يبين علي و هالشي مسبب لي عقدة و مفشلني، و المشكله لو مهما حاولت ما اقدر اغير بتعابيري و كلامي مع الناس اللي بقلبي ايبين على وجهي لووول! شخصيا هالشي مو مضايقني بس احس اني اجرحهم! صج اهم يكون فيهم جانب شفته و سبب لي هال"إنكماش" منهم و من الحديث معاهم! بس مو معناته انهم اشرار بالمطلق! لا بس فيهم جانب ما يعجبني او ما اقدر اختلط معاهم لانه فيه اختلافات جوهرية بينا

ومو كل الناس لهم خاطر عندي و اقدر اقولهم عيوبهم! ولا معناته ان كل من بيتقبل مني اني اقوله عيوبه! خاصة لو كان يشوف عيبه ميزه او احد عيوبه الجذب و سهل عليه ينكر المواقف/ الكلام اللي خلوني ابتعد عنه ،، و تعلمت من الوقت اني مو ملزومه بكل خلق الله، جربت اني اكون مسئولة عن كل خلق الله و تحسفت،، على الرغم من اني حاولت اتجنب هالشخصيات بس ساعات ما اقدر و هنا يقع المحضور و يبين على وجهي

After attending an event and wearing something very different from what people usually see me wear "casual and simple", some started seeing me differently and actually smiling in my face and others are being social with me!
How far can people judge you from your external appearance?
especially that in the event those who changed their way of dealing with me did not really socialize with me at the time!!!! all of a sudden they became nicer!

ماك بوك + البرو يشوقون ،، بس الماك بوك الابيض احلى و له شخصيته المميزه! بس التكنولوجيا بالجديد تغري

Coming up! Don Quixote and a documentation of a small search I did :> maybe around the weekend, weekdays are too hectic for a serious big chunky post!


They say that the best sleeping time is 10:00 pm, I say live my life then try it!
:}
Good Night

6 comments:

Enter-Q8 said...

ليش تكلمينه من الاساس
صكي عليه و روحي تقضي و خلصي شغلك و شربي عصير و سولفي بالتلفون بعد اذا صارلك مده وحدهمقاطعتها كلميها
و ردي على راحتك
وخليه يطبخ و يتعلم الادب
لا بعد تدرين اشلون اول ما يصفط صفطي وراه و طقي هرن خليه يجي و يعرف انك تبين تصكين عليه و حقريه و خليه يبرم عدل

انا تصير فيني هالسالفه بس غسلي ايدك على موقف احشره حشار
تصير فيني بمحطة البنزين لما تلاقيني بالموقف الثاني بس انطر الاخ اللي بالموقف الاول علشان ما اعطل اللي وراي
يجيك واحد من اخر شي و يبي يوقف و يعبي
على طول مد بوز الساره لا اهو اللي يعبي و لا انا خله ما عندي مشكله

Q80-Chill Girl said...

انا بالعاده ما اكلمهم و كله اكبر راسي و اكشت

بس على حظهم فصلت و الا ابي اصير واعضة

باختصار بعد اللي قلته، عدو عيني ايناجرك بالشارع لول

Traveleer said...

Hello girl :)
فعلا قلة الأدب في السواقة تبط الجبد مافي احترام و لا ذوق. لازم ما كنتي تخلينة و انتي اللي لج الحق.

أنا أكره شيئ عندي اللي يوقفون مكان المعاقين و خاصة انه في مواقف فاضية في كل مكان عييييب يا ناس

Q80-Chill Girl said...

Traveleer

ادري لي حق و ادري شرير بس مالي بالمعاند بالسيارة ولا حتى كنت ناويه اكلمه بس ياربي حرني، انا طريقتي يا اني اكشت و اشترى دماغي او اني انبه الشخص و اذا كان سنع بيدني و اذا مو سنع بيسوي نفس اللي سواه ذاك اللي مو سنع اعلاه

و اهلا بتعليقاتك يا وخيي
:)

3ashga::O::Mfalsa said...

Doing the same things at work everyday is just a boring routine! You should do some changes, either by changing this routine and shifting to other approach or you would go for a short vacation for self refreshment.
حده حرني اللي خذا موقفج.. هذا
يستعبط وله شكله جذي؟ وايد ناس جذي لا تستحي ولا تنتخي!! يسوون روحهم ما يشوفون اللي واقف ينطر ويزرقون!! لو كنت مكانج جان وقف قلبي.. بس زين سويتي طنشتيهم ناس مثل هذول ما يستاهلون إنج تتضايقين وتفقدين اعصابج :)

Q80-Chill Girl said...

3ashga

lol the thing is! i just came from a vacation, its the whole management and line of work. I see a bright future ahead if i work hard :D im optimistic but this week is just crazy

on the parking issue, i knew rudeness has no limits :D but did not know ena lmkhama6 would reach parking spaces lol!!