Monday, 21 June 2010

172 : Dettol wipes


ما احب زود التعقيم و افضل الاعتدال فيه، ولا يمكن اعترف بالسوالف مالت ديتول و مضادات البكتريا للاستخدام اليومي و احب التغسّل بالماي و الصابون، احسه انظف! لكن للكلينكسات مالت ديتول "و غيرها من الماركات بس المهم كلينكس رطب" لها فوائد خطيرة! اهمها ازالة البقع

قبل سنة كنت في القطار و انكتت القهوة عليّ و ما اهتميت بنفسي كثر جنطتي لان فيها كل اشيائي و احبها حيل! ولا اللي معاي اتطلع كلينكس ديتول و تقولي : بسرعة خل نمسحها، مشيتها و انا مو على امل انها اتسنع و ان هدومي بتبقع، وجان انصدم ان بعد ما نشف الديتول ان ماكو اي اثر للبقع! لا على هدومي ولا على الجنطة! شنو استناااااست يومها

 :> و من يومها و كلينكس الديتول ما يفارقني
جدا مفيد بالازمات انصح فيه بقوة

4 comments:

جنه said...

توني ادري بهالمعلومه :)

شكرا لج

Hopeless Sight said...

حلو و الله
أنا صراحة ما أحب أستعمل المعقمات لأن لازم آكل بايدي فأحس يطلع طعم المعقم بالصمونة مثلا و مو زين للأسف بس ما أستغني عنه لازم يكون بجنطتي لبعد الأكل:)

جبريت said...

تعبي على قلم تايد

احسن شي يزيل البقع

تلقينه بمركز سلطان

اما التعقيم والحركات الارعه مو صوبهم يا حلات صابون لومي بعد القتال مع قنجه من المجبوس ولا المطبق

Q80-ChillGirl said...

جنة
العفوووو :>

Hopeless Sight
ما اقدر على المعقمات لازم اغسل ايدي بالماي و الصابون، حتى لو استخدمتهم بيكون لفتره قصيرة لين ما اغسل ايديني ، و انا معاج هم احس بيطلع طعم المعقم بالاكل لوول

جبريت
بس قلم التايد عبالة، روح غسل و لويه، هذيلا اسهل كلينكس رطب و انت اللي ماشي :>