Tuesday 7 October 2008

أيطالين - القصة خلف الصورة




و في عصرونيه بمدينة الرياض و انا مع فلك وولد خالتنا الثاني كنا نفتر و نخلص اشغال و اشتهيت اني اشرب موكا، و ايكون مستحيه من ولد خالتي الثاني و مابي اعنيه قلت له اي مكان ما يهم و ما تشرطت و تمشي فينا السيارة لين وصلنا لمقهى اسمه
Tutti Cafe - انواع القهوة

*ماعندي فكره شنو علاقة الترجمة بالاسم العربي؟!*

و كان الهندي واقف بشكل سينمائي حيث اتكئت رجله اليمين على نهاية العمود الصغير و كوع يده اليمين متقاطع مع يده اليسار و هم الاثنين متكئين على ركبته اليمين و بنظرة لامبالاه قام بالالتفات للسيارة عندما وقفت

فلك: شلون الحين انزل ولا اطلب المنيو؟
ولد خالتنا الطيب اللي كرفناه [وخطك] : لا اطلب المنيو من الهندي ذا
فلك: انت شنو عندك؟
الهندي بعد ما استعدل و جا صوب الدريشه: في كول شي
فلك: اكو منيو؟ جيب منيو

ووصلت المنيو

و خلال المباحثات عيني طاحت على أيطالين و فصلنا انا و فلك على الترجمه! وولد خالتنا [وخطك] يبتسم مو مستوعب اننا ككويتيين لقينا لنا كنز و اي شي يستدعي مهارات الشماته عندنا يكون جدا مقدر

المراااااااد قلنا خل نشوف شعنده

فلك: انزين اخوي كبتشينو اسبشل شنو فيه؟
الهندي: هذا كبتشينو ايسبيسال
فلك: اي يعني شنو فيه؟ شنو معاه؟
الهندي: هااا، هدا في ماااارس ميللو
انا بكل لقافه: هههه! لا مابي مارس ملو، عفيه سأله عن الأيطالين

اهنيه انا وفلك نبي نقزرها عليه

فلك: هذا ايطالين شنو فيه؟
الهندي: هدا طوعم غيير
فلك - بدا يفصل-: اي شنو فيه ؟؟؟؟؟
الهندي: هدا في فونيلا
انا - غامته الظحكة-: انزين سئله عن المكسكن
فلك: و هذا مكسكن شنو فيه؟
الهندي: بابا هدا كمان غير، انت اشرب انت عرف

فلك: هههههههههههههههههه

طلعت ضحكة المارد من فلك و خلاص ما كو مجال يغمتها، و انا وولد خالتنا فصلنا

فلك و اهو يكعكع: هاك اخذ المنيو خلاص مانبي شي مشكور

الهندي: ليش انت مايبي؟

فلك يكمل ظحكة المارد

و مشينا و لقينا دنكن و رجع الوضع لطبيعته بس هم ما لقينا موكا

5 comments:

Anonymous said...

menu zbara :P

3ashga::O::Mfalsa said...

Indeed Tutti Cafe!
Aham shay enkom ma 6alabtaw shay :) LoooooL "Mars Millow"!

Q80-ChillGirl said...

Anony

I dont think I can categorize this menu in any way :p

3ashga

lol kan elwath3 amusing why order when you have live entertainment? bas ma twq3t eych3mna and asks us to order and see for our selves what the flavor of the drink was :p

q8philic said...

الاحلى من هذا ان الحبيب الي ترجم المنيو نسى يترجم الكابتشينو الروسي والفرنسي

Q80-ChillGirl said...

Q8philic

لول
ما اسعفته حصيلته الترجميه عند هالكلمتين الظاهر، بس اشوا ابرك من انه يبدع بهالمنيو اكثر من جذيه