و خلال تجولي في ربوع حولي، ولا صاحب مرسيدس اسود قديم يطلع من اللاين اللي على يساري و يصير بالوسط، المشكله انا متأكدة اني شايفة الخطوط الارضية صح و ان الشارع بس حارتين! بس واضح انه اكو حارة خفية بالوسط اهو شايفها؟ خاصة ان راعي السي ال "هم مرسيدس و اسود" قاعد ايدني عن حارته اليسار و يبي يتبع الاخ اللي جدام اللي حارته الخفية تقع فوق الخطوط الارضية اللي تفصل الحارتين
السياقة فن و ذوق و ادب، و ما اعتقد ان اكو شي بهالدنيا يسوى هالرعونة و المخامط اللي على غير سنع! و على فرض اسوء الحالات و ان هالانسان وراه شي مخيف و جدي او ان السلام العالمي متوقف عليه و على وصوله بسرعة، اعتقد ان سلامته اهم، و ذوقه مع الناس اللي حوله اكثر اهمية، بهالدنيا احنا زوار اشتسوى علينا لو حرضنا غيرنا على كرهنا بسبب تصرفات غير لائقة و غير مسئولة؟ و احترام الدور من احترام الانسان لنفسه و للاشخاص اللي معاه بالشارع
:)
.jpg)
3 comments:
راح الاحترام رااااح
هالحركه سويتها مره وحده بحياتي كلها عشان الي معاي كان يخرخر دم وبوصل فيه المستشفى الاميري
Oh! The roads are filled with those people =/
جبريت
بس على الاقل لما تسوي هالشي عندك ظرف معين + على الاقل اتشب الفلاشر فا الناس يدرون عنك معذور، بس هذيلا لا احم ولا دستور! الله يهديهم
Pisces Chick
And that my friend, whats making me consider having a driver lol
Post a Comment