Monday 28 July 2008

From here and there

اليوم قررت اني اشوف مسلسل نور، فشلت باني اتعدى مشهدين! شفت لما مهند بيراضي نور و اهي زعلانه و يقولون "المتابعين حولي" ان جاب لها بيت ووظيفه و سياره و اللي تبيه و هم مارضت عليه، ولي اهنيه بس ما قدرت و قمت

شنو سر متابعة الناس لهالمسلسل؟

من بعد دراسه ميدانيه تم من خلالها مسح اراء الإناث من اعمار و حالات اجتماعية مختلفه، اتضح لي ان السبب اللي اجمع عليه الغالبية هو الفقر العاطفي في مجتمعنا، فالغالبية يشوفون المسلسل علشان العلاقة الزوجيه الجميله بين نور و مهند و للرومانسيه الحيه بينهم على الرغم من زواجهم! فهل اصبحنا مجتمع يفتقر لابسط المشاعر الرومانسيه؟ و هل اصبح التعبير عن الحب يقلل من رجولة الرجل؟

وينك يا قيس ابن الملوح

Tulip Resources, for human resource assistance!

ما بين صورة من ستلتقي نجوم صلالة و التي تعتبر من اعلاميات الكويت و بين قبو دبي اجد نفسي اتوق شوقا لدخول بيسمنت اللي تم افتتاحه مؤخرا و سمعت عنه كل خير و رقي، على امل ان تقوم الصالات الصغيره هنا و تحيا بين لوحات الفنانين

اغبط الاماراتيين على الصحوه الفنيه هناك، على الرغم من قلة معروضات الفنانين المحليين في المعارض التي تقام هناك الا انه من الجميل ان يكون المجتمع الاماراتي معرض للفنون من مختلف الدول، سوق الفن ليس من افضل الاسواق من ناحية الربح المادي فهو قائم على قدرة الشخص ان ينفق على امتاع ذوقه، و لكن الجانب الاهم بنظري هو تنمية ثقافة المجتمع فالفن جزء من موروث المجتمع و ثقافته الخاصه، و تقبل الفن و انتشاره من اهم عوامل تنمية الثقافة الفنية، اغبطهم عندما ارى اعلانات المعارض الفنية على قناة ون و التي ترعاها القرية الثقافية

لكن المشروع الذي سلب انفاسي عندما علمت به، هو فرع اللوفر في ابو ظبي المزمع الانتهاء منه بحلول عام ٢٠١٢ اعتقد بانه سيكون مشروع يفخر به الكل

Q8art.net is a site I rove around every once and a while and planning to invest this weekend to introduce it in a proper way :) meaning a bigger post and not just a random thought that I want to register in my "from here and there". One of the Kuwaiti artist that I wanted to see for even one time in my life was the late Khalifa Al-Qattan a very simple artist who loved art and shared that love with his lovely wife Lidia, the lack of art interest in other people around me added to my shyness gave me an excuse to not go for it and see him :) but not anymore, after he passed away I promised my self to go get me a chunk of local art as much as I can every once and a while, to appreciate what I like while its there around me and I am still alive.

مابين ما كتبه الكاتب الدعيج و ما كتبه المدون كراكتوا اجد ثغرات مختلفه كل منهم يتطرق اليها من منظوره، و بما اني اكسل من اني اعلق بشكل شافي ووافي الان و في التو و اللحظة فاترك لكم القراءة و كلام حلو يا كراكتوا و مشكلتي مع مقالة الدعيج انه دخل اعضاء مجلس الامه بالموضوع و انه توقع الاحباط منهم مو من الحكومه! يمكن لاني اهوا التركيز بصلب الموضوع بدلا من تشتيت الافكار؟ بس ايتم بوراكان وقفه اجباريه لي لما اقرا القبس

I'm sleepy again! I better get my schedule back and running, lets see what will I do tomorrow!


11 comments:

Anonymous said...

Love the randomness. Great stuff in this blog!

Purgatory said...

ahahahahahaha, you watched Noor :P

Q80-ChillGirl said...

CeCe

thank you :D
u made me smile :D ear to ear

Purg

لول
بسبتك عدلت البوست لاني نسيت اقول اني قمت و ماقدرت اكمل دقيقتين من هالمسلسل

i wouldn't want to be mistaken as a fan of this series!

iDip said...

وين ابن الملوح؟
هالسؤال ذكرني بأول بيت من اغنية كاظم الساهر: تقولين الهوى
http://songs1.6arab.com/kathem_taqooleen-elhawa.ram

Q8Art Thanks for the link :)

Traveleer said...

Purg doesn't watch Nour probably because there are no chubby women appearing in it :P

but yeah it is overrrated over hyped (is that a word?) and your analysis is correct. lack of love and passion in people's lives make them get addicted to this type of series

I watch bab al7ara to get my dose my passion :P

enter-q8 said...

الفقر العاطفي

حلو ينفع اسم حق مسلسل من مسلسلات فجر السعيد

يا سيدتي
منو عنده وقت يحب

الا بالويك اند

Q80-ChillGirl said...

iDip

uw :D

Travleer

LOL @ the purg thing :p u know blogs and bloggers very well :D

as for bab al7ara, i was NEVER able to watch it

Enter_Q8

لول

ليش يعني؟
لا تحسسني اننا عايشين بصحرا و حايشنا جفاف عاطفي

هممممم اللي اهو الواقع؟! و واقع غريب لان العرب امهر الناس باللغة و يتفاخرون بقدرتهم على التلاعب بالكلمات وين راحت الرومانسيه و ليش ما تعبر عنها الا بالويك اند؟ شنو فرق اليوم العادي عن العطله
:)
التفرغ؟ ما اعتقد ان الواحد فجأه يكتشف انه يحب لكن احنا نحصر تعبيرنا عن الحب بوقت فظاوتنا، لو التفتنا للحب بكل وقت و عبرنا عنه ترى حتر نفسياتنا بتختلف

هذا على ما اعتقد :>

enter-q8 said...

حجية لا تجرين شكل على قولة المصريين

تعرفين اني اكتب من باب السخرية و التهكم و اكيد بما اني كويتي افضل باب التحلطم

سيدتي

أحنا بمجتمع خليجي

الرجل فيه يحب زوجته بالفعل و ليس بالقول

و افعال هذا الحب
مختلفه و لكنها تصب في الحب العائلي له و لزوجته و اولاده

تبين تفتحين الباب

اتفضلي اوكي استلمي طال عمرك

الهبة اليديده

اننا ما نجيب عيال الا بعد سنتين
طبعا عارفه المسببات و ليش ووووو


لما قلت الا بالويك اند

السبب هو طبيعة الدوام
خصوصا اذا كان الزوجين يعملون

من الساعه كم قاعد و قبلها من الساعه كم نايم

و متى يخلص الدوام و متى يرد البيت

و متي يتغدى

و تبقى الساعات الاخيرة فقط

الويك اند

هو التفرغ التام لتبحلق بالعيون ببعض

او الذهاب الى مطعم او التمشي او يروح يؤجر له شاليه

طبعا لازم تاخذين ببالك ارتفاع الاسعار و خلنا نوفر و الشهر هذا في مصاريف
و عبود و الا تهاني و الا يبون ما ادري شنو

عدة عوامل

الفراغ العاطفي او الفقر العاطفي

تقدر الزوجة ان تمليه بنص ساعة

لو قامت و سوت قهوة مع قطعة كيك

او دلة فنجان و مطارة شاي بالزعفران او اي نكهة و طقتها حنك مع الزوج و اخرجت المارد العاطفي من بين ثنايا نفسه المزدحمة بشؤن الحياة الكويتية بالذات
من خرابيط مجلس او انتظار بيت اذا كان ساكن ايجار او اذا اشترى بيت و معاشه كله رايح اقساط

و اخذت المفتاح و افتحت الباب الصغير اللي فيه اكبر غرفة و ضايع بين هالبيبان

للأمانة انا ما شفت مهند و نور او ما ادري شنو اسمه لأنهم مسلسلين مو مسلسل واحد حسب ما فهمت و عرفت

لكن الله خير يوم شفت المسلسل و قعدت اتطنز على اخوي و اهو يشوفه
قلت له
يوبا و الله ما الوم الناس
بس لازم يعرفون شغله
انا لو اخذ صخله او اهي تاخذ تيس و تتمشى بهالطبيعة

غصب طيب الواحد يصير مستانس و يصير رومانسي

يعني اللي بيطلع مع زوجته و بهالجو و اهي نسرة راح يتأقلم و يصير عاطفي من الجو لما يبحلق في هالطبيعة
و اهي كذلك مع بو حقب

يا سيدتي
احنا مش بتوع كلام
لأن الكلام اسهل منه مافيه

و ما فيه فراغ عاطفي
كلمة صباحك الله بالخير
او يعطيك العافية او تسلم ايدك تكون اصدق و مملوءه بالعاطفة الفعلية

خصوصا اللي قاعد يقولها يقولها بدون مقابل و لا مجبر وقاعد يقولها لشريك له واجباته و حقوقه


لما يوصله او توصلها خبر ترقيه مثلا
الفرحة الحقيقية عند من تكون فعلا

امور يا سيدتي تترجم الى افعال


شوفي انا توني قاعد من النوم و ما كملت البقصم و الشاي حليب

و الكيبورد انترس سمسم

ما راح اعرف اكتب
لكنها رؤس اقلام مثل ما يقولون
وادري هذرت

سلام

مع تحيات
ابو مهند

معلم الشاورما

Q80-ChillGirl said...

Enter_Q8
قلبي انغمت لوول عقب ما كتبت لك رد طويل عريض مادري شنو صار و اختفى
:( هذا ردي الثاني بس مافيه نفس اللويه بختصر

انا توقعت اني حكيت المصباح بس ما تخيلت هالمارد بيطلع لوول ردك فاق توقعاتي

شوف يا وخيي انا قلتها هم غشمره :) و ابتسم و انا منشكحه و ردك برد جبدي

انا ادري الحب موجود و التعبير عنه يختلف عن قبل و الكلام ببلاش و الكلام بدون فعل ما منه فود

بس اللي اهم من كل اللي ببالي فكرة انهم يقولون:

يعطيك العافيه
الله يسلمج

هالكلمات البسيطة السنعه و الراقيه مفقوده هالايام بين الازواج، حتى ابسط سبل التعبير عن الحب نشفت! و انقرضت! الناس صاروا عمليين بشكل خانق! و يمللون و ماصار بينهم الا الماديات و التفاصيل اليوميه الممله بدال التعبير عن الحب عن طريق تقدير الشريك و تقدير اللي يسويه

سواء الرجال بشغله و تعبه و المره بنفس الشي ،، حتى لو بالمسج بسيط بوسط يوم مزحوم و معتفس يقولون فيه لبعض كلمه حلو، لو كنت بعز الحر و الخيسه و طاقه جبدك و تجيك من ام العيال مسج او اتصال بس تقولك فيه شلونك و شخبارك قلبك بيفز من مكانه و تدري احد يهتم فيه

هذا الحب اللي نفقده مو بس كلام الغزل و الشعر المصفصف، هالبساطه اللي الحين بهالوقت نفتقدها

و عبطنا و شماتتنا تخلينا انتطنز على السنع لو شفناه، بمسح ذهني شخصي بسيط على دواوين الكويت جم واحد لي قال لمرته كلمة غزل بالتلفون او اهي دقت له و بادلها بهالغزل لو ثواني ماراح ايتهزاء و ينشخل؟

ادري ظحك بس ساعات الظحك يخجل البعض من انهم يعبرون عن نفسهم ،، هذا مووووو سبب بس عامل و غيره و غيره

بس اللي صح عجبني بردك اهو ان الحب ايتعبر عنه بالافعال و هالشي صح و هم الحجي له اثر بالذات عند المره لانها حساسه

بس عاد لي صارت نسره و مالها خلق الله يعين قيس عليها و لي صارت اهي ولاده بنت المستكفي و اهو طوفه ما تنطق اكيد بيزوغ قلبهم على هالمسلسلات

ترى مو فشله ولا واجد لو يقددرون الناس بعظهم بكل وقت، ترى الدنيا زايله و احنا بالنهايه بنموت :) على الاقل خل نعيشها بسنع

:]

enter-q8 said...

لا يطوفك توارد الافكار و الخواطر
مع جريدة عالم اليوم

http://www.alamalyawm.com/ArticleDetail.aspx?artid=56551

Q80-ChillGirl said...

دش الكويت

شوكران :> بقراها بتمعن لاحقا