Saturday, 9 October 2010

282 : مجمع ولاء ،، حولي


هالمنظر البديع في حولي شارع بن خلدون، الزحمة شي يغمت و لازم بالك يكون طوييييييييل و اعصابك بثلاااااجة علشان اتحمل اللي بتشوفه و تمر فيه بهالشارع
 
قوانين المرور ما لها اهمية و كأن هالشارع مفصول عن الزمن و الوقت الطبيعي بالكويت و الكون، فلا اهمية لوجود سيارة لها حيز و فيها اوادم الوجود للأقوى و الاعند! ولا فيه اهمية للقانون بعد، المهم انك تسلك و توصل لمبتغاك

المواقف شي مو اساسي بالنسبة لاصحاب المجمعات في هالمنطقة الحيوية، يمكن مجمع المهلب الوحيد في حولي اللي اقدر اقول انه وفر لرواده كم معقول من المواقف؟ و بلازا / العثمان يعني نبلعهم ،، حسيت لما طبعت مجمع العثمان طلع من الشاشة غبار

ناهيك عن مشكلة مرتادي هالشارع مع لفة الفوق حدر "يو تيرن" عندهم مشكلة مع منعها في تقاطعات شارع بن خلدون، اللي وصلوني لي مرحلة قمت اصدق ان علامة "ممنوع الاستدارة" انها مسموح الاستدارة و ان الاحمر يساوي الازرق و الخط الاحمر اللي بوسط العلامة معناته اخذي اللفة

ننتقل الى كره السائقين للمسافة بين السيارات، و كان المفروض ان قبق السيارة يلزق في دبة السيارة اللي جدامها، الالتحام من احب انشطة مرتادي هالشارع، و يحسسوني اني خفية و سيارتي مالها وجوة و انهم ممكن يطوفون من خلالها

الاهم من كل هذا، ودي اشوف احد بهالمنطقة من حولي ،،، مبتسم؟ كلن مهموم و قاعد يفتر و شايل هموم الدنيا مع كمبيوتره و يفتر من محل لي محل، و اللي زوجها شوي و يبجي في محل الذهب



على الهامش
باجر البر كامب :) اللي يبي حياه الله
حدث اول مره يصير بالكويت و كلي فضول شنو بيصير هناك :> بحاول اني اروح و الزين فيه ان الوقت مفتوح من ٢ العصر لي ٨ بالليل

3 comments:

q8othug said...

if you saw a guy gobbling down a shawerma and potato/flafel sandwich with a smile in front of the wala2 center that would be meeee

^_^

swera said...

loool wallah fa6astini mn ethe7ek hehe :Pp

Hawally et5allech tekreheen 3eshtech! ana maro7laha ella 7zat e'6a7a wella ethahari faqa6 la '3yr!

Q80-ChillGirl said...

q8othug
LOL, well seen a lot :p bas gobbling & walking ma cheft @!@ will look carefully next time

Swera
Glad I made u smile :D wnasteni coz am not that funny usually :p 7wali is a must, even if we escape it lelasaf