286 : رزنامة العجيري

مع اني كل يوم احب اشوف شنو مكتوب فيها الا اني ساعات انساها و الهى بالشغل

احلي شي احبه ان في كل يوم شي غير، و الايام المفضلة عندي اللي يكون فيها شعر او حكم او معلومة نادرة! بالذات المعلومات التاريخية عن الكويت

الصورة اليوم حطيتها في تويتر بس اثر في نفسي المكتوب لدرجة اني قررت اخليها صورة اليوم، لاني و بالصدفة امس احتكيت بموضوع "الهموم" و الحكم اعلاه اشوف انها تنطبق على كافة الاشياء اللي ممكن انها اتسود القلب او النفس ،، مثل الهم، الحقد ،، الخ

محد خالي من الهموم و ساعات تدخل حياتك لو كنت اسعد الناس، الشطارة بالتعامل مع هالهم. العقل جزء مخيف من الانسان، و اعتقد ان الكثيرين يقللون من سلطتة على تصرفاتهم و فكرهم بانهم يقولون : بخاطري - اشتهيه - بغيت، متناسين الفرق بين الحاجة و الرغبة! الحد الادنى لضمان الحياة هو الحاجة لشيئ ما لتستمر الحياة اما الرغبة فهي شغف النفس للشيئ الذي قد لا يحتاجه الانسان