Wednesday 20 January 2010

20 : Stone Grill



رحت مطعم "ستون جريل" و استمتعت بهالتجربه، المنيو فيها كل شي شوربا مقبلات سلطات حتى الباستا، بس اللحوم اهي احلى شي لانها الزبدة بالموضوع! باختصار يحطون جدامك هالطابوقة الحارة و راح تحس جنه جدامك دوه صغيره ، بعدين تحط اللي طلبته فوقها! اللحوم نية سواء اسماك-طيور-بقر و تطبخ لحمتك بنفسك :> بالنسبة لي لاني احب الطباخ استمتعت حييييييييييييل بهالتجربة و اهم شي الصدرية اللي حطوها لنا قبل لا ناكل ، ذكروني بايام الروضة. بس بشكل عام المكان حييييل حلو و يسوا العنوة، الشي البايخ موقعه! في مجمع اومنيا اللي بالسالمية في شارع سالم المبارك، المواقف شي تعييييييييس! فيه خدمة "فاليه" بس انا ما استأمنهم على سيارتي. عموما المواقف بالسرداب صغيرة فا اتوقع بوقت الذروة بيكون ماكو مواقف، بس المطعم حلو لمحبي اللحم و انهم ياكلونه طارج :> و اللي يحبون الطباخ عموما بيستمتعون فيه

لكن نصيحة! الطريقة الصح انك تطبخ لويتك و سيدا تحطها بالصحن و تستمتع فيها! لاني كليت من الصخرة سيدا و حاليا ما احس بلساني لوول احترق كل حلجي من داخل، حكمة اليوم : الركادة زينة

5 comments:

Purgatory said...

Now you have to take your clothes and yourself to laundry ;p

جبريت said...

اسلتي اللعاب يا الاخت

مجمع امنيا مادري شسمه وين بالضبط عشان اروح له اليوم باجر شي

نفس هالمطعم رحت له بس بتايلند شي عجيب حتى في مكان يصبون فيه ماي عشان اذا تبين تفوحين شي

مثلا اللحم اقطه بالماي مع التتبيله الخاصه فيني واخليه على ما اشوي الدياي وبعدها اكمل على اللحم يكون حده طري ومطبوخ عدل

بس يبيله نجرب هالمطعم

عسى مو غالي لانه المعاشات ما انزلت وانا فلست لووووول

Q80-ChillGirl said...

Purg
LOL, I was thinking of bringing 3ood bukhoor next time :p

جبريت
لا اسعارة معقولة :> و المجمع مقابل مجمع ليلى جاليري :> بشارع سالم المبارك بالسالمية

Queen said...

Walla 7ada shawgny wa9fek w shakly baroo7 ajareb.

Q80-ChillGirl said...

Queen

Go for it :> bel3afiah in advance!