Sunday 10 October 2010

283 : Kuwait Towers


It says:
Hayat 4 Cancer

يومي كان طويل و متعب، و قفت على اسمنت بحولي و زعلت على توايري ، قالي اخوي عادي بس لما تمشي السيارة يطلع اللي داش بالتاير، فا قررت اني اطول الدرب لي البيت مع اني تعبانه و امر بشارع الخليج لاني ولهت على الابراج، ابراج الكويت فيها سحر يردني لها و بمجرد ما اشوفها استانس

هالمرة كان فيها ليتات غريبة و مع اني دايخه بس نزلت و صورتهم :) و قريت "حياة لرعاية السرطان" و لما دريت لقيت ان لشهر اكتوبر بتم هالليتات شابة على الابراج و هالمجهود اللي يهدف للتوعية بمرض سرطان الثدي تقوم فيه مبرة رقية عبد الوهاب القطامي - للاعمال الخيرية و مرضى السرطان. اللي لهم مجموعة في الفيس بوك و مختصر المكتوب فيها عن مؤسسة حياة اللي اهي تندرج من مبرة رقية القطامي:
السيدة رقية القطامي عايشت مرض السرطان مع احد احفادها و الذي تلقى/ت العلاج في الولايات المتحدة الامريكية، و قررت بعد عودتها للكويت ان تساهم ولو بالقليل، قامت ببيع اعمالها اليدوية و التبرع بالمبالغ لمستشفى مكي جمعة لعلاج مرضى السرطان ، و كبر المجهود لان اصبحت لها مبرة، مجهودات بسيطة من تلك السيدة الفاضلة لمساعدة الغير

عندما تفحصت و علمت بالمبرة و اهدافها و مساعيها، سعدت كثيرا لوجود مثل السيدة ام قيس، رقية القطامي بيننا، فالايثار و حب الغير من الخصال الراقية التي تثلج الصدر و تسعد الخاطر



على الهامش
مدونتين من خلال بحثي استفدت منهم كثيرا ،، و استعنت بروابطهم في موضوعي فلهم جزيل الشكر

Many thanks goe to two blogs that have informed me a lot about what I have seen in the Kuwait Towers :) I used links from them in my post above, and they are:


5 comments:

الزين said...

بادرة جدا طيبه منهم التوعية بهالشكل الجميل

احنا في بلد التغطيبة الإعلامية والتوعية الصحية لهالمرض اقدر اقول ضعيفه
او تكاد تكون معدومة
رغم ان نسبة انتشاره مخيفه

الفحص المبكر يوفر علينا الكثير
نحتاج توعية مكثفه مو بس لسرطان الثدي
بل للسرطان عامة


مشكوره يا تشيللو
وخوش موضوع
بروح اصور يم الأبراج
:))

ناعمة الهمس said...

الله يشافيهم

وبادرة حلوة من السيدة رقية القطامي على التبرع و المبرة
و الله يشافي لها حفيدة
مشكورة على البوست يا قلبي

Q80-ChillGirl said...

الزين

صاجة و الفحص المبكر من اهم الاشياء اللي المفروض ما نكشت فيها، و جان بخت انشوف صورتج يمهم :> لووول قولي لي ماعندي مانع افصل معاج

ناعمة الهمس

امين عسى الله يشافي كل المرضى يا رب و يشافي لها كل مريض هالانسانه اللي اعجبت بطيبتها

BuzFairy said...

I'm honored u mentioned me :)

Q80-ChillGirl said...

BuzFairy

Many thanks go to you :> you've been a useful resource for my post, the pleasure is mine dear :D